आयपीएल 2025 चा 29 वा सामना रविवारी दिल्ली कॅपिटल्स आणि मुंबई इंडियन्स यांच्यात खेळला जाईल. अरुण जेटली स्टेडियमवर दोन्ही संघांमध्ये कठीण स्पर्धा पाहायला मिळते. खराब फॉर्ममुळे झगडणाऱ्या रोहित शर्मावर सर्वांच्या नजरा असतील.
दिल्ली आणि मुंबई यांच्यातील आयपीएल 2025 चा सामना रविवार, 13 एप्रिल रोजी दिल्लीतील अरुण जेटली स्टेडियमवर भारतीय वेळेनुसार संध्याकाळी 7:30 वाजता सुरू होईल. टॉस त्याच्या अर्धा तास आधी, म्हणजे संध्याकाळी 7 वाजता होईल.
मुंबईचा वेगवान गोलंदाज जसप्रीत बुमराह परतला आहे आणि तो त्याचा दुसरा सामना खेळण्यासाठी सज्ज आहे. तो आगामी सामन्यात केएल राहुलसाठी आव्हान निर्माण करू शकतो.
दिल्ली कॅपिटल्स सलग पाचव्या विजयावर लक्ष केंद्रित करतील तर हार्दिक पंड्याच्या नेतृत्वाखालील मुंबई इंडियन्स सहा सामन्यांमधील पाचवा पराभव टाळण्याचा प्रयत्न करतील.
रोहितचा फॉर्म मुंबईसाठी चिंतेचा विषय आहे कारण त्याला आतापर्यंत चार सामन्यांमध्ये फक्त ३८ धावा करता आल्या आहेत.
ऑस्ट्रेलियाचा माजी कर्णधार मायकेल क्लार्कने कुलदीपला आतापर्यंतच्या स्पर्धेतील सर्वोत्तम फिरकी गोलंदाज म्हणून वर्णन केले आहे. कुलदीपने आतापर्यंतच्या सर्व सामन्यांमध्ये चार षटकांचा कोटा पूर्ण केला आहे आणि प्रति षटक सहा धावांपेक्षा कमी इकॉनॉमी रेटने आठ विकेट्स घेतल्या आहेत.
रोहित व्यतिरिक्त, तिलक वर्मा आणि उपकर्णधार सूर्यकुमार यादव यांनाही मुंबई संघाकडून अपेक्षेनुसार कामगिरी करता आलेली नाही. जर मुंबईला विजयाच्या मार्गावर परतायचे असेल तर या तिन्ही फलंदाजांना त्यांचे सर्वोत्तम प्रदर्शन करावे लागेल
दोन्ही संघांचे संभाव्य प्लेइंग 11 :
दिल्ली कॅपिटल्स: फाफ डू प्लेसिस, जेक फ्रेझर-मॅकगर्क, अभिषेक पोरेल, केएल राहुल (यष्टिरक्षक), अक्षर पटेल (कर्णधार), ट्रिस्टन स्टब्स, आशुतोष शर्मा, विपराज निगम, मिचेल स्टार्क, कुलदीप यादव, मोहित शर्मा.
मुंबई इंडियन्स : रोहित शर्मा, रायन रिकेल्टन (यष्टीरक्षक), विल जॅक्स, सूर्यकुमार यादव, तिलक वर्मा, हार्दिक पांड्या (कर्णधार), नमन धीर, मिचेल सँटनर, दीपक चहर, ट्रेंट बोल्ट, जसप्रीत बुमराह.
