Eoin Morgan Retirement इयॉन मॉर्गनची निवृत्ती

इंग्लंडचा माजी कर्णधार इऑन मॉर्गनने सोमवारी सर्व प्रकारच्या क्रिकेटमधून निवृत्ती जाहीर केली. 36 वर्षीय इऑन ने त्याच्या अधिकृत ट्विटर हँडलवर पोस्ट केले, “खूप विचारविनिमय केल्यानंतर, मला विश्वास आहे की या खेळापासून दूर जाण्याची हीच योग्य वेळ आहे ज्याने मला अनेक वर्षांपासून खूप काही दिले आहे."

2019 मध्ये इंग्लंडला 50 षटकांचा विश्वचषक जिंकून देणाऱ्या मॉर्गनने विक्रमी 126 वनडे आणि 72 टी-20 सामन्यांमध्ये इंग्लंडचे नेतृत्व केले. दोन्ही फॉरमॅटमध्ये कर्णधार म्हणून त्याने मिळविलेले 118 विजय हाही एक विक्रम आहे.

मॉर्गनने 2006 मध्ये आयर्लंड विरुद्ध 2006 मध्ये एकदिवसीय क्रिकेटमध्ये पदार्पण केले होते, 2009 मध्ये इंग्लंडने बोलावले होते, त्याने 248 एकदिवसीय सामने आणि 115 टी-20 सामने खेळले आहेत आणि एकूण 10,159 धावा केल्या आहेत. त्याने 16 कसोटी सामनेही खेळले असून 700 धावा केल्या आहेत.

विशेष म्हणजे इऑन मॉर्गन त्याच्या काळात त्याच्या उत्कृष्ट फलंदाजीसाठी ओळखला जात होता. त्याने दीर्घकाळ इंग्लंड संघाचे नेतृत्वही केले. त्याच वेळी, इंग्लंड संघापूर्वी मॉर्गन आयर्लंड संघाकडून खेळत असे. मात्र त्याच्या सातत्यपूर्ण कामगिरीमुळे इंग्लंड संघाने त्याचा आपल्या संघात समावेश केला. मॉर्गनच्या नेतृत्वाखाली इंग्लंडने अनेक मोठे विजेतेपदही पटकावले आहेत.