विराट-अनुष्काची मुलगी 'वामिका'ची पहिली झलक जगासमोर, सोशल मीडियावर व्हिडीओ व्हायरल

फोटो साभार - सोशल मीडिया 
भारताची माजी कर्णधार आणि अभिनेत्री अनुष्का शर्माची मुलगी वामिकाची पहिली झलक जगासमोर आली आहे. रविवारी केपटाऊनमध्ये भारत आणि दक्षिण आफ्रिका यांच्यातील शेवटच्या वनडे सामन्यादरम्यान अनुष्का स्टेडियममध्ये पोहोचली. याठिकाणी तिने आपल्या मुलीला कडेवर घेतलेले होते.  

सामन्यादरम्यान वामिकाचा फोटो ब्रॉडकास्टर स्टार स्पोर्ट्सच्या कॅमेऱ्यात कैद झाला. अचानक, वामिकाचा एक अतिशय गोंडस फोटो आणि   व्हिडिओ संपूर्ण क्षणातच सोशल मीडियावर मोठ्या प्रमाणात व्हायरल होऊ लागला. व्हिडिओमध्ये वामिका तिची आई अनुष्का शर्माच्या कडे वर दिसत आहे.

वामिकाच्या जन्मानंतर प्रथमच तिची झलक जगासमोर आली आहे. वर्षभरापासून विराट आणि त्याची पत्नी अनुष्काला मीडियाच्या कॅमेऱ्यातून मुलीचे फोटो कॅमेरापासून वाचविण्यात यशस्वी झाले होते, मात्र यावेळी तसे होऊ शकले नाही.