भारत आणि अफगाणिस्तान यांच्यात दुसरा टी-२० सामना खेळला जात आहे. या सामन्यासह भारतीय संघाचा कर्णधार रोहित शर्माने एक नवा विक्रम आपल्या नावावर केला आहे. इंदूरच्या होळकर स्टेडियमवर अफगाणिस्तानविरुद्ध खेळल्या जात असलेल्या या सामन्यात रोहित शर्माने एक असा विक्रम आपल्या नावावर केला आहे, जो आतापर्यंत इतर कोणत्याही खेळाडूला करता आलेला नाही. हा विक्रम आंतरराष्ट्रीय क्रिकेटमधील कोणत्याही पुरुष खेळाडूच्या नावावर नाही.
रोहित शर्मा अफगाणिस्तानविरुद्ध मैदानात उतरताच 150 टी-20 सामने खेळणारा तो जगातील पहिला पुरुष खेळाडू ठरला. रोहित शर्मापूर्वी इतर कोणत्याही खेळाडूला हे स्थान मिळालेले नाही. रोहित शर्मानंतर पॉल स्टर्लिंगचे नाव या यादीत येते ज्याने 134 सामने खेळले आहेत.
रोहित शर्माने आपल्या T20 डावात 3853 धावा केल्या आहेत. या डावांमध्ये चार शतकांचाही समावेश आहे. रोहित शर्मा टी-20 आंतरराष्ट्रीय क्रिकेटमध्ये सर्वाधिक धावा करणारा दुसऱ्या क्रमांकावर आहे. रोहित शर्मानेही टी-20 सामन्यात 29 अर्धशतके झळकावली आहेत.
