IND vs WI ODI :भारत आणि वेस्ट इंडिज यांच्यात आज दुसरा एकदिवसीय सामना

वेस्ट इंडिजविरुद्धच्या वनडे मालिकेतील पहिला सामना जिंकल्यानंतर टीम इंडियाचा दुसरा सामना जिंकून मालिका जिंकण्याकडे लक्ष लागले आहे. या इराद्याने भारत दुसऱ्या सामन्यात उतरणार आहे. पोर्ट ऑफ स्पेन, त्रिनिदाद येथे होणारा हा सामना भारताने जिंकला तर त्याच्याकडे 2-0 अशी अभेद्य आघाडी असेल. पहिल्या सामन्यात दोन्ही संघांमध्ये चुरशीची लढत झाली आणि टीम इंडियाने तीन धावांच्या निकराच्या फरकाने विजय मिळवला. अशा स्थितीत दुसरा सामनाही अत्यंत रोमांचक होण्याची अपेक्षा आहे.

भारत आणि वेस्ट इंडिज यांच्यातील तीन एकदिवसीय सामन्यांच्या मालिकेतील दुसरा सामना 24 जुलै रोजी म्हणजेच रविवारी क्वीन्स पार्क ओव्हल, पोर्ट ऑफ स्पेन, त्रिनिदाद येथे खेळवला जाईल.भारत आणि वेस्ट इंडिज यांच्यातील सामन्यात भारतीय वेळेनुसार संध्याकाळी 6.30 वाजता नाणेफेक होईल आणि पहिला चेंडू 7 वाजता टाकला जाईल.

भारत-वेस्ट इंडिज मालिकेचे प्रसारण करण्याचे अधिकार फॅनकोड ग्रुपकडे आहेत. हा सामना डीडी स्पोर्ट्स वाहिनीवर टीव्हीवर प्रसारित केला जाईल. डीडी स्पोर्ट्स चॅनलसाठी कोणतेही शुल्क नाही. अशा परिस्थितीत तुम्ही कोणतेही पैसे न भरता या मालिकेचे सामने पाहू शकता.

वेस्ट इंडिज प्लेइंग 11-

शाई होप (विकेटकीपर), ब्रँडन किंग, शामराह ब्रूक्स, काइल मायर्स, निकोलस पूरन (क), रोवमन पॉवेल, अकील हुसेन, रोमॅरियो शेफर्ड, अल्झारी जोसेफ, गुडाकेश मोती, जयडेन सेल्स.

भारताचे प्लेइंग 11-

शिखर धवन (कर्णधार), शुभमन गिल, श्रेयस अय्यर, सूर्यकुमार यादव, संजू सॅमसन (विकेटकीपर), दीपक हुडा, अक्षर पटेल, शार्दुल ठाकूर, मोहम्मद सिराज, युझवेंद्र चहल, प्रसिद्ध कृष्णा/आवेश खान/अर्शदीप सिंग.