अर्शदीप सिंग आणि अझमतुल्ला उमरझाई यांनी घातक गोलंदाजी केल्याने पंजाब किंग्जने लखनौ सुपर जायंट्स (LSG) ला 37 धावांनी पराभूत करून हंगामातील त्यांचा सातवा विजय नोंदवला.
धर्मशाळा येथे खेळल्या गेलेल्या आयपीएलच्या 54 व्या सामन्यात नाणेफेक गमावून प्रथम फलंदाजी करणाऱ्या पंजाबने प्रभसिमरन सिंगच्या91 धावा आणि कर्णधार श्रेयस अय्यरच्या 45 धावांच्या जोरावर 20षटकांत पाच गडी गमावून 236धावा केल्या. आयपीएलमधील हा त्याचा चौथा सर्वोच्च स्कोअर आहे. त्याच वेळी, धर्मशाला येथे, संघाने 2011 नंतर पहिल्यांदाच 200 धावांचा टप्पा गाठला आहे. यापूर्वी, पंजाबने आरसीबीविरुद्ध दोन गडी गमावून 232 धावा केल्या होत्या. प्रत्युत्तरात, लखनौ संघ निर्धारित षटकांत सात गडी गमावून केवळ199 धावा करू शकला
11 पैकी सात सामने जिंकून पंजाब दुसऱ्या स्थानावर पोहोचला आहे
आणि 15 गुणांसह पॉइंट टेबलमध्ये दुसऱ्या स्थानावर पोहोचला आहे. त्याचा नेट रन रेट +0.376 झाला आहे. दरम्यान, लखनौ हंगामातील सहाव्या पराभवासह सातव्या स्थानावर आहे. त्याच्या खात्यात 10 गुण आहेत आणि नेट रन रेट -0.469 आहे . आरसीबी16 गुणांसह अव्वल स्थानावर आहे तर मुंबई आणि गुजरात 14-14 गुणांसह अनुक्रमे तिसऱ्या आणि चौथ्या स्थानावर आहेत.
