Publish Date: Sat, 14 Nov 2026 (13:19 IST)
Updated Date: Sat, 14 Nov 2026 (13:21 IST)
वैभव सूर्यवंशी सय्यद मुश्ताक अली ट्रॉफीमध्ये बिहार संघाचे नेतृत्व करत आहे. सौराष्ट्रविरुद्ध वैभव पहिल्यांदाच ही भूमिका साकारत आहे. यासह त्याने इतिहासाच्या पानांमध्ये आपले नाव नोंदवले असून तो सर्वात तरुण कर्णधार बनला आहे.
वयाच्या 15 व्या वर्षी वैभव सूर्यवंशीने आपल्या स्फोटक फलंदाजीने जगभरात नाव कमावले आहे. वैभव सूर्यवंशी याची दुलीप ट्रॉफीमध्ये पूर्व विभागाच्या उपकर्णधारपदी नियुक्ती करण्यात आली आहे. सय्यद मुश्ताक अली ट्रॉफीमध्ये सूर्यवंशी बिहार संघाचे नेतृत्व करत आहे. यासह त्यानी इतिहासाच्या पानात आपले नाव नोंदवले आहे. तो T20 इतिहासातील सर्वात तरुण कर्णधार ठरला आहे.
सय्यद मुश्ताक अली ट्रॉफी 2026-27 हंगाम सुरू झाला आहे. इंदूरच्या होळकर स्टेडियमवर बिहार आणि सौराष्ट्र यांच्यात सामना सुरू आहे. या सामन्यात वैभव सूर्यवंशी बिहारचे कर्णधार आहे. यासह तो T20 क्रिकेट इतिहासातील सर्वात तरुण कर्णधार बनला आहे.
सय्यद मुश्ताक अली ट्रॉफीच्या पहिल्या काही सामन्यांमध्ये वैभव सूर्यवंशी बिहारचे कर्णधारपद भूषवताना दिसणार आहे. वास्तविक, वैभव सूर्यवंशी ACC पुरुष एशिया कप रायझिंग स्टार्स 2026 मध्ये भारत A संघाचा एक भाग आहे. ही स्पर्धा 19 नोव्हेंबरपासून सुरू होणार आहे, ज्यासाठी वैभव भारत A संघासह दोहाला रवाना होईल. त्यामुळे पहिल्या काही सामन्यांमध्येच तो बिहारची धुरा सांभाळणार आहे.