World Cup India Squad Update:वर्ल्ड कपसाठी टीम इंडियाची लवकरच घोषणा होणार, राहुलचे स्थान निश्चित!

ODI World Cup 2023 India Squad Team Players List :एकदिवसीय विश्वचषक 2023 साठी भारताचा संघ निवडण्यात आला आहे. आयसीसीच्या नियमानुसार, विश्वचषकात सामील असलेल्या सर्व देशांना 5 सप्टेंबरपर्यंत आपला संघ जाहीर करायचा आहे आणि नंतर बदल केले जाऊ शकतात. अशा परिस्थितीत बीसीसीआयने आपला संघ निवडला आहे. आशिया कप 2023 मधील भारत-पाकिस्तान सामन्यानंतर कर्णधार रोहित शर्मा, प्रशिक्षक राहुल द्रविड आणि मुख्य निवडकर्ता अजित आगरकर यांची बैठक झाली. यानंतर विश्वचषक संघ निश्चित झाला असला तरी अधिकृत घोषणा होणे बाकी आहे. 

वेगवान गोलंदाज प्रसिध कृष्णा आणि युवा तिलक वर्मा यांना विश्वचषक संघात स्थान मिळवता आलेले नाही. मीडिया रिपोर्ट्सनुसार, अनफिट लोकेश राहुल टीमचा भाग आहे. जर तो निर्धारित वेळेत फिट झाला नाही तर त्याच्या जागी संजू सॅमसनची निवड केली जाईल. सॅमसन राखीव खेळाडू म्हणून संघात राहील.

मुख्य निवडकर्ता अजित आगरकर यांनी श्रीलंकेत कर्णधार रोहित शर्मा आणि प्रशिक्षक राहुल द्रविड यांची भेट घेऊन संघ निवडला. कँडी येथे भारत विरुद्ध पाकिस्तान आशिया कप सामन्यानंतर ही बैठक झाली. सॅमसनसह टिळक वर्मा आणि प्रसिद्ध कृष्णा यांना विश्वचषक संघात स्थान मिळालेले नाही. संघाचे नेतृत्व रोहित शर्मा करणार असून मधल्या फळीत फलंदाजीसह त्याच्या चमकदार कामगिरीनंतर इशान किशनलाही संघात स्थान मिळाले आहे. कर्णधार शर्माशिवाय शुभमन गिल, विराट कोहली, श्रेयस अय्यर आणि सूर्यकुमार यादव हे भारताचे फलंदाज असतील.

ऑलराउंडर हार्दिक पांड्या, रवींद्र जड़ेजा ,अक्षर पटेल आणि शार्दुल ठाकूर यांनाही संघात स्थान मिळाले आहे. निवड समिती आणि संघ व्यवस्थापनाने फलंदाजीच्या सखोलतेवर भर दिला आहे. गोलंदाजीत जसप्रीत बुमराह, मोहम्मद शमी आणि मोहम्मद सिराज वेगवान आक्रमणाचे नेतृत्व करतील, तर फिरकी गोलंदाज कुलदीप यादवलाही संघात स्थान मिळाले आहे.

निवड समितीने राहुलच्या फिटनेस वर चर्चा केली आणि मेडिकल संघाकडून ग्रीन सिग्नलनंतर त्याचा संघात समावेश करण्यात आला. राहुल बंगळुरू येथील राष्ट्रीय क्रिकेट अकादमीमध्ये अनेक तास नेटवर सराव आणि फलंदाजी करत आहे. आशिया चषक स्पर्धेत भारतीय संघात सहभागी होण्यासाठी त्याला लंकेला पाठवण्यात येणार असल्याची माहितीही मिळाली आहे.

Edited by - Priya Dixit