Home Remedies for Eczema: एक्जिमा(इसब)पासून आराम मिळविण्यासाठी या घरगुती टिप्स अवलंबवा

Home Remedies for Eczema: अनेकांच्या त्वचेला तीव्र खाज सुटते आणि त्वचा कोरडीही होते. खाज सुटताना तुमच्या त्वचेवर लाल पुरळ उठतात.ही एक्झामाची लक्षणे देखील असू शकतात. बदलत्या हवामानामुळे एक्जिमाची समस्याही वाढते. या समस्येने त्रस्त लोकांना इतकी खाज येते की त्वचेला खाज सुटताना रक्तस्त्राव सुरू होतो. त्यामुळे संसर्ग होण्याचा धोका वाढतो.

एक्जिमा हा त्वचेचा संसर्ग आहे. जेव्हा ही समस्या उद्भवते तेव्हा त्वचेच्या काही भागांवर कोरडेपणासह लाल पुरळ दिसू लागतात. त्यानंतर त्या ठिकाणी खाज आणि सूज येण्याची समस्या सुरू होते. गुडघे, घोटे, पाय, मान, चेहरा, हात, मान, कोपर, कानाभोवती आणि ओठांवर याचा परिणाम कुठे ही होऊ शकतो.

याशिवाय केमिकलयुक्त पदार्थांचा वापर, काही पदार्थांची अॅलर्जी, मेकअपचा अतिवापर, हार्मोनल बदल किंवा कौटुंबिक इतिहास यामुळेही एक्जिमाची समस्या उद्भवू शकते. एक्जिमाच्या समस्येपासून आराम मिळवण्यासाठी काही घरगुती उपाय आहे चला तर मग  टिप्स जाणून घेऊ या. 

या आहाराचे सेवन करा-

एक्जिमाच्या समस्येपासून मुक्त होण्यासाठी शुद्ध खोबरेल तेलात अन्न शिजवा. कारण यामध्ये असलेले फॅटी अॅसिड एक्जिमामध्ये होणारी सूज कमी करते.

या काळात कॅफिनचे सेवन करू नका. कारण कॅफिन त्वचेचे संरक्षण करणारे व्हिटॅमिन बी नष्ट करते.तर भाज्या आणि कच्ची फळे नैसर्गिक डिटॉक्सिफायर म्हणून काम करतात. त्यामुळे या गोष्टींचा आहारात समावेश करावा.

खरबूज आणि जांभळाच्या सेवनाने एक्जिमाच्या समस्येपासून आराम मिळतो.

स्प्राउट्सच्या सेवनाने खाज येण्याची समस्या कमी होते. त्यामुळे ते नाश्त्यात घेतले पाहिजे.

व्हिटॅमिन डी साठी दररोज काही वेळ उन्हात बसा. यामुळे रोगप्रतिकारक शक्ती मजबूत होते आणि एक्जिमाची समस्या देखील कमी होईल.

खोबरेल तेल आणि सेंधव मीठ -

यासाठी 1 चमचे खोबरेल तेलात थोडेसे सेंधव मीठ मिसळा.

नंतर एक्जिमाच्या भागावर हळूहळू लावा.

नारळाच्या तेलात अँटी-बॅक्टेरियल आणि अँटी-इंफ्लेमेटरी गुणधर्म आढळतात. जे जळजळ आणि खाज येण्यापासून आराम देण्याचे काम करते. खोबरेल तेलामध्ये असलेले मॉइश्चरायझिंग गुणधर्म आर्द्रता टिकवून ठेवण्यास मदत करतात. यामुळे त्वचा कोरडी होत नाही. या तेलात लॉरिक ऍसिड देखील आढळते. जे त्वचेमध्ये असलेले फंगस, बॅक्टेरिया आणि विषाणू कमी करण्यास मदत करते.

सेंधव मिठाचे फायदे -

यासोबतच सेंधव मिठामुळे या समस्येपासून आराम मिळतो. कारण त्यात हायड्रेटिंग आणि अँटी-इंफ्लेमेटरी गुणधर्म आढळतात. याशिवाय कॅल्शियम, मॅग्नेशियम आणि पोटॅशियमसारखी अनेक खनिजे सेंधव मीठात आढळतात. जे त्वचेसाठी खूप चांगले असते.

सेंधव मिठामध्ये असलेले खनिजे एकत्र काम करतात आणि त्वचेला हायड्रेट ठेवण्यास मदत करतात आणि सूज येण्याची समस्या कमी करतात. हे मीठ लालसरपणा, खाज सुटणे आणि कोरडेपणा कमी करते

थंड बर्फाने शेक करा -

एक्जिमाची समस्या असताना त्वचेवर तीव्र खाज सुटते. 

अशा परिस्थितीत, आपण काहीतरी थंड असलेल्या खाजलेल्या भागावर लावावे. यामुळे तुम्हाला मोठ्या प्रमाणात आराम मिळेल.

सर्व प्रथम बर्फाचा तुकडा कापडात गुंडाळा.

नंतर 10-15 मिनिटे खाजलेल्या भागावर ठेवा.

यामुळे तुम्हाला या समस्येपासून बऱ्याच अंशी आराम मिळेल.

Edited By- Priya DIxit