साहित्य : अर्धा किलो मटण खीमा, ६ ते ७ हिरव्या मिच्र्या, एक छोटा तुकडा आलं, १० ते १२ पाकळ्या लसून, २-३ कांदे बारीक चिरून ते खिम्यामध्ये कच्चेच मिक्स करा अर्धा चमचा हळद, दोन वाटय़ा गव्हाचे पीठ, पाव किलो तेल, चवीपुरते मीठ.
कृती : सर्वप्रथम खीमा स्वच्छ धुऊन घ्या, त्यात आल, लसुन व हिरव्या मिच्र्याची पेस्ट, हळद, मीठ घाला. मिश्रण मंद गॅसवर शिजत ठेवा, ते मिश्रण सुखे होईपर्यंत शिजवा. मिश्रण थंड झाले की त्यात बारीक चिरलेला कांदा, कोथिंबीर घाला व ते एकत्र करा. गव्हाचे पीठ मळा, दोन छोटे छोटे गोळे करा व एक चपाती बनवा. ती हलकीशी शेका. शेकल्यानंतर त्या दोन वेगवेगळ्या करा, अशा ७ ते ८ चपात्या बनवा नंतर त्याचे सुरीने उभे ४ भाग करा. एका छोटय़ाशा भांडय़ामध्ये गव्हाचे पीठ व पाणी घालून उकळी काढा ती पेस्ट समोसे चिकटवण्यासाठी उपयोगी येते. चपातीच्या केलेल्या भागामधला एक तुकडा घेऊन त्यात एक चमचा खीम्याचे मिश्रण घालून समोसाच्या आकाराचे बनवून व पेस्ट लावून समोसा बंद करा. नंतर कढईमध्ये मंद आचेवर डीप फ्राय करा.
