तांदूळ धुतलेलं पाणी फेकून देऊ नका! असा करा उपयोग

तांदूळ धुतल्यानंतर उरलेले पाणी फेकून न देता त्याचा वापर त्वचा, केस आणि बागेसाठी अत्यंत फायदेशीर ठरतो.

तांदळाच्या पाण्याचे विविध उपयोग
केसांच्या वाढीसाठी आणि चमक मिळवण्यासाठी: तांदळाचे पाणी नैसर्गिक कंडिशनर म्हणून काम करते. केस शैम्पूने धुतल्यानंतर शेवटी तांदळाच्या पाण्याने धुवावेत. यामुळे केस मऊ, चमकदार होतात आणि मुळांपासून मजबूत बनतात.

त्वचेची काळजी: या पाण्यात अँटी-ऑक्सिडंट्स असतात. कॉटन बॉलच्या मदतीने हे पाणी चेहऱ्यावर टोनर म्हणून लावल्यास पिंपल्स, ओपन पोअर्स आणि टॅनिंग कमी होण्यास मदत होते.

किचन गार्डन / झाडांसाठी खत: तांदळाच्या पाण्यात नायट्रोजन, फॉस्फरस आणि पोटॅशियम सारखी पोषक तत्वे असतात. हे पाणी कुंडीतील झाडांना घातल्यास वनस्पतींची वाढ वेगाने होते.

पाचनक्रिया सुधारण्यासाठी (तांदळाची कंजी): तांदूळ शिजवून उरलेली कंजी (उकळलेले पाणी) किंचित मीठ घालून प्यायल्यास शरीराला झटपट ऊर्जा मिळते आणि पचनक्रिया उत्तम राहते.

भांडी स्वच्छ करण्यासाठी: भांडी घासताना त्यावर तांदळाचे पाणी ओतल्यास भांड्यांवरील तेलकटपणा आणि चिवट डाग सहज निघून जातात.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik