झटपट बनणारे मटार समोसे रेसिपी

समोसा पट्टी - 10 ते 12

मटार - एक कप

उकडलेले बटाटे - दोन 

तेल - दोन चमचे

हिंग - चिमूटभर

जिरे - अर्धा टीस्पून

धणेपूड - एक टीस्पून

जिरे पूड - अर्धा टीस्पून

तिखट - अर्धा टीस्पून

गरम मसाला - अर्धा टीस्पून

आमसूल पावडर - अर्धा टीस्पून

चवीनुसार मीठ

कोथिंबीर 

हिरवी मिरची - एक 

तेल - तळण्यासाठी

कृती-

सर्वात आधी उकडलेले बटाटे आणि मटार चांगले मॅश करावे. एका कढईत तेल गरम करून त्यात जिरे आणि हिंग घालावे. नंतर त्यात हिरवी मिरची, धणेपूड, जिरेपूड, तिखट, गरम मसाला आणि आमचूर पावडर घालावी.आता त्यात मॅश केलेले मटार आणि बटाटे घालावे. मीठ घालून परतवून घ्यावे. दोन मिनिट शिजवल्यानंतर कोथिंबीर घालावी. आता समोशाची पट्टी त्रिकोणी आकारात घडी करून त्यात तयार मटर मसाला भरावा. समोशाच्या कडा पाण्याने ओल्या करून घट्ट बंद करा म्हणजे समोसा उघडणार नाही. हे समोसे चांगले दाबून पॅक करा.आता समोसे तळून घ्यावे. सोनेरी व कुरकुरीत होईपर्यंत तळावे .तळलेले समोसे पेपर नॅपकिनवर काढा आणि जास्तीचे तेल शोषून घेऊ द्या.तर चला तयार आहे आपली मटार समोसे रेसिपी, चटणीबरोबर नक्कीच सर्व्ह करा.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik