पितृपक्षात नैवेद्याच्या ताटात महत्वाची सात्विक आणि पारंपरिक ''लाल भोपळ्याची भाजी'' रेसिपी

पितृपक्षाच्या सात्विक नैवेद्याच्या ताटात लाल भोपळ्याची (डांगराची) भाजी असणे अतिशय शुभ आणि पारंपरिक मानले जाते. ही भाजी कांदा, लसूण न वापरता चिंच-गुळाची आंबट-गोड चव देऊन गोड्या मसाल्यात बनवली जाते. तर चला पितृपक्षासाठीची ही सोपी व पारंपरिक रेसिपी जाणून घ्या....

साहित्य-

लाल भोपळा: २५० ते ३०० ग्रॅम (साली काढून मध्यम फोडी केलेला)

गोडा मसाला: १ लहान चमचा

चिंचेचा कोळ: १ मोठा चमचा

गूळ: १ ते २ मोठे चमचे (चवीनुसार)

लाल तिखट: ½ लहान चमचा

हळद: ½ लहान चमचा

हिंग: ¼ लहान चमचा

मेथी दाणे: ४ ते ५ (फोडणीसाठी)

मोहरी: ½ लहान चमचा

कढीपत्ता: ५-६ पाने

ओल्या खोबऱ्याचा कूट / किस: १ मोठा चमचा

भाजलेल्या दाण्यांचा कूट: १ मोठा चमचा (पर्यायी)

मीठ: चवीनुसार

तेल: १ ते २ मोठे चमचे

कोथिंबीर: बारीक चिरलेली

कृती-

फोडणी तयार करणे: एका कढईत किंवा पातेल्यात तेल गरम करा. तेल गरम झाल्यावर मोहरी टाका. मोहरी तडतडल्यावर त्यात मेथी दाणे, हिंग, हळद आणि कढीपत्ता घालून छान फोडणी द्या.

भोपळा परतणे: फोडणीत लाल भोपळ्याच्या फोडी घालून १-२ मिनिटे चांगल्या परतून घ्या.

वाफेवर शिजवणे: कढईवर झाकण ठेवून मंद आचेवर २ ते ३ मिनिटे भाजी वाफेवर शिजवून घ्या (शक्यतो पाणी घालू नका, वाफेवर भोपळा छान मऊ होतो).

मसाले घालणे: भोपळा थोडा मऊ झाल्यावर त्यात लाल तिखट, गोडा मसाला, चिंचेचा कोळ, गूळ आणि चवीनुसार मीठ घाला. सर्व एकत्र चांगले मिक्स करा.

एकजीव करणे: भाजी कोरडी वाटत असल्यास अगदी २-३ चमचे पाण्याचा हप्ता मारा व झाकण ठेवून ५ मिनिटे शिजवा.

शेवटचा हात: भोपळा पूर्ण शिजल्यावर वरून ओले खोबरे आणि बारीक चिरलेली कोथिंबीर घाला. मंद आचेवर एक उकळी काढून गॅस बंद करा.

खास टीप:

मेथी दाणे: पितृपक्षाच्या भोपळ्याच्या भाजीत फोडणीत ४-५ मेथी दाणे घातल्यास भाजीला अतिशय सुंदर पारंपरिक सुगंध आणि चव येते.

जास्त गाळ करू नका: भोपळ्याच्या फोडी अति मऊ होऊन गाळ होणार नाहीत याची काळजी घ्या, फोडी आकाराने अखंड राहिल्या पाहिजेत.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.