Festival Posters
✕

मुलांना आणि मोठ्यांनाही आवडतील उरलेल्या पोळीपासून असे काही ट्रेंडिंग आणि पारंपारिक प्रकार

वेबदुनिया फीचर टीम
गुरूवार, 7 मे 2026 (08:00 IST)
रात्रीची पोळी उरली की काय करायचं, हा प्रश्न बहुतेक घरांमध्ये पडतो. पण उरलेल्या पोळीपासून बनवलेले पदार्थ कधीकधी ताजी पोळी खाण्यापेक्षाही जास्त चविष्ट लागतात. मुलांना आणि मोठ्यांनाही आवडतील असे काही ट्रेंडिंग आणि पारंपारिक प्रकार आज आपण पाहणार आहोत.
ALSO READ: पोळीपासून घरीच बनवा बाजारासारखे स्वादिष्ट चाऊमीन
फोडणीची पोळी (पारंपारिक तडका)
हा सर्वात लोकप्रिय आणि सोपा प्रकार आहे.
कसे बनवाल: पोळीचा बारीक चुरा करून घ्या. कढईत तेल गरम करून त्यात मोहरी, जिरे, कढीपत्ता, भरपूर कांदा, शेंगदाणे आणि हिरवी मिरची घालून फोडणी द्या. त्यात पोळीचा चुरा, हळद, मीठ आणि थोडी साखर घालून वाफ काढा. वरून कोथिंबीर आणि ओले खोबरे टाकले की चव अप्रतिम लागते.

पोळीचा 'चिवडा' (कुरकुरीत नाश्ता)
हा प्रकार प्रवासात किंवा मधल्या वेळेत खाण्यासाठी उत्तम आहे.
कसे बनवाल: पोळीचे छोटे चौकोनी तुकडे करून कडक तळून घ्या किंवा तव्यावर तेल/तूप लावून कुरकुरीत करा. त्यावर तिखट, मीठ, चाट मसाला आणि पिठीसाखर भुरभुरा. हा चिवडा चहासोबत खूप छान लागतो.

चपाती नूडल्स (मुलांचा आवडता प्रकार)
मुलांना चायनीज आवडत असेल, तर हा उत्तम हेल्दी पर्याय आहे.
कसे बनवाल: पोळीची गुंडाळी (Roll) करून ती चाकूने लांब आणि पातळ नूडल्ससारखी कापून घ्या. कढईत कोबी, सिमला मिरची, गाजर लांब कापून परता. त्यात सोया सॉस, टोमॅटो केचअप आणि चिली सॉस टाका. शेवटी पोळीचे नूडल्स घालून हाय फ्लेमवर टॉस करा.

चपाती पिझ्झा किंवा टाकोस
हा सध्याचा सोशल मीडिया ट्रेंड आहे.
पिझ्झा: पोळीला तव्यावर एका बाजूने थोडे तूप लावून गरम करा. त्यावर पिझ्झा सॉस किंवा केचअप लावा. भरपूर भाज्या आणि चीज पसरवून झाकण ठेवून चीज वितळेपर्यंत गरम करा.
टाकोस: पोळी मधून दुमडून त्यात बटाटा भाजी, कांदा, टोमॅटो आणि चीज भरून तव्यावर दोन्ही बाजूंनी कुरकुरीत भाजून घ्या.

पोळीचा लाडू
गोड खाण्याची इच्छा असेल तर हा पौष्टिक पर्याय आहे.
कसे बनवाल: पोळीचे तुकडे मिक्सरमध्ये फिरवून त्याचा जाडसर चुरा करा. त्यात किसलेला गूळ, वेलची पूड आणि साजूक तूप घालून मिक्स करा. त्याचे लाडू वळा. हा पदार्थ ताकद देणारा असतो.

पोळीचे 'कटलेट्स'
कसे बनवाल: पोळीचा मिक्सरमधून चुरा करून घ्या. त्यात उकडलेला बटाटा, आले-लसूण पेस्ट, गरम मसाला आणि कोथिंबीर घालून गोळा मळा. त्याचे छोटे टिक्के बनवून शॅलो फ्राय करा.
ALSO READ: शिळ्या पोळीपासून बनवा दोन स्वादिष्ट गोड पदार्थ
खास टीप-
रात्रीची पोळी उन्हाळ्यात लवकर खराब होऊ शकते, त्यामुळे ती वापरण्यापूर्वी व्यवस्थित आहे का याची खात्री नक्की करा.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.
ALSO READ: Amba Poli वर्षभर टिकणारी चविष्ट आंबा पोळी कशी बनवाल?
Edited By- Dhanashri Naik

संबंधित माहिती

सर्व पहा

नक्की वाचा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

नवीन

न्यूरोएंडोक्राइन कर्करोग म्हणजे काय? त्याची लक्षणे जाणून घ्या

बालासन करताना ही खबरदारी घ्या, योग्य पद्धत जाणून घ्या

पौराणिक कथा : कृष्ण आणि सुदामाची मैत्री

घरच्या घरी २० मिनिटांत तयार! सोपे आणि खमंग फिश टॅकोस रेसिपी

तेलाचा एक थेंबही न वापरता तयार करा ही डिश, हिवाळ्यात नक्कीच ट्राय करून पाहा

पुढील लेख
Show comments