सध्या भारत आणि पाकिस्तानमध्ये युद्धासारखी परिस्थिती आहे. शनिवारी संध्याकाळी दोन्ही देशांमध्ये युद्धबंदी झाली. पण पाकिस्तानने आपल्या कारवाया थांबवल्या नाहीत आणि भारताच्या सीमावर्ती भागात गोळीबार सुरू केला. मात्र, पाकिस्तानच्या या भ्याड कृत्याला भारतीय जवानांनी चोख प्रत्युत्तर दिले आहे.
यासोबतच, भारत सरकार सोशल मीडियावर पसरणाऱ्या खोट्या बातम्या, अफवा आणि भडकाऊ पोस्टवर अंकुश लावत आहे. याअंतर्गत, 'ऑपरेशन सिंदूर' बद्दल भारताविरुद्ध आक्षेपार्ह पोस्ट टाकल्याबद्दल मुंबईतील एका 20 वर्षीय तरुणाला अटक करण्यात आली आहे.पोलिसांनी त्याच्याविरुद्ध गुन्हा दाखल केला आहे.
पोलिसांनी सांगितले की, आरोपीने त्याच्या इंस्टाग्राम आयडीवर एक पोस्टर पोस्ट केले होते, ज्यावर लिहिले होते, 'जर भारत-पाकिस्तान युद्ध झाले तर ते भारताचे शेवटचे युद्ध असेल.' या प्रकरणी साहिलविरुद्ध मुंबईतील चुनाभट्टी पोलिस ठाण्यात गुन्हा दाखल करण्यात आला आहे आणि त्याला अटक करण्यात आली आहे.
