Daily Horoscope
✕

'युवराजांची दिशा चुकली', आदित्य ठाकरेंनी बॅनरबाजीवर दिले प्रत्युत्तर, 'ती त्यांची संस्कृती'

Webdunia
गुरूवार, 25 ऑगस्ट 2022 (11:58 IST)
विधिमंडळात 24 ऑगस्टला गोंधळाचं वातावरण पाहायला मिळालं. विधिमंडळाच्या पायऱ्यांवर शिंदे गट आणि राष्ट्रवादींच्या आमदारांमध्ये हमरी-तुमरी झाली झाली. आज ( 25 ऑगस्ट) ही परिस्थिती निवळेल का असा प्रश्न पडलेला असताना आज एका नव्या वादाला तोंड फुटण्याची शक्यता निर्माण झाली आहे.
 
'युवराजांची दिशा चुकली,' असं या पोस्टरवर लिहिण्यात आलं आहे.
 
शिवसेना नेते आदित्य ठाकरे यांच्यावर आज शिंदे गटातील आमदारांनी निशाणा साधला आहे. आदित्य ठाकरेंचा उल्लेख 'परमपूज्य युवराज' असा करत शिंदे गटाने आज विधिमंडळात बॅनरबाजी केली.
 
आदित्य ठाकरे हे पर्यटन मंत्री होते त्यावरुन पोस्टर बनवून शिंदे गटाने आज निदर्शनं केली.
 
शिवसेना नेत्या सुषमा अंधारे यांनी या कृतीचा निषेध व्यक्त केला आहे.
 
"आदित्य ठाकरे यांच्याबाबत अशी बॅनरबाजी करून काहीही साध्य होणार नाही. सर्व महाराष्ट्र तुमच्याकडे पाहत आहे. कोण काय करतंय याची नोंद जनता घेत आहे," असं अंधारे यांनी एबीपी माझाला प्रतिक्रिया देताना म्हटले.
 
'तीन माळ्यांच्या मातोश्रीचा आदर'
उद्धव ठाकरे यांचे निवासस्थान 'जुने मातोश्री' आणि 'नवे मातोश्री' यावरून शिंदे गटाचे आमदार भरत गोगावले यांनी टीका केली.
 
गोगावले म्हणाले, "प्रत्येकाने आपापली मर्यादा राखली पाहिजे. आम्ही बाळासाहेबांचे शिवसैनिक आहोत. आम्ही लढतो. आमचं चुकलं तर आम्ही माफी पण मागतो. त्यांनी चूक दाखवावी. आम्ही काय बांगड्या घातल्या नाही. बॅनरवर तुम्ही वाचायचं आणि काय अर्थ काढायचा तो काढायचा. मातोश्री दोन आहेत. तीन माळ्यांच्या मातोश्रींचा आदर आहे. पण 8 माळ्यांच्या मातोश्रीवर आमचे पाय दुखतात."
 
'फुटलेल्या आमदारांनी आपली संस्कृती दाखवली'
शिंदे गटाच्या आमदारांनी जी निदर्शनं केली त्यावर शिवसेना नेते आदित्य ठाकरेंनी प्रत्युत्तर दिले आहे.
 
"आज फुटलेल्या आमदारांनी जी बॅनरबाजी केली, त्यातून त्यांनी आपली संस्कृती दाखवली आहे. या फुटीर आमदारांनी राजीनामे द्यावे आणि जनतेला सामोरं जावे," असं ठाकरे म्हणाले.
 
आम्ही आजही जनतेत जात आहोत. हे लोक का जनतेत जात नाही असा सवाल आदित्य ठाकरेंनी उपस्थित केला.

संबंधित माहिती

सर्व पहा

नक्की वाचा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

नवीन

चंद्रपूर जिल्ह्यात पोथारा धरणाच्या पाण्यात वाघाचा मृतदेह तरंगताना आढळला

न्यूझीलंडचा एकदिवसीय कर्णधार भारताविरुद्धच्या कसोटी मालिकेतून बाहेर

MS Dhoni IPL Retirement आयपीएलमधून महेंद्रसिंग धोनीची निवृत्ती! CSK सोबत निभावणार 'ही' नवी भूमिका!

२६/११ च्या दहशतवादी हल्ल्यानंतर स्थापन झालेले 'फोर्स वन' आता एटीएस नियंत्रणाखाली; सरकारने हा निर्णय का घेतला?

नागपूर जिल्ह्यातील शेतकऱ्यांना प्राण्यांपासून पिकांचे संरक्षण करण्यासाठी सौर ऊर्जेवर चालणारी उपकरणे मिळणार! अर्ज करण्याची अंतिम मुदत २० नोव्हेंबर

पुढील लेख
Show comments