Anant Radhika Wedding अनंत आणि राधिकाचे लग्न, PM मोदी आज रिसेप्शनला उपस्थित राहू शकतात

Anant Ambani Radhika Merchant wedding: आशियातील सर्वात श्रीमंत व्यक्ती मुकेश अंबानी यांचा मुलगा अनंत अंबानी आणि फार्मास्युटिकल दिग्गज वीरेन मर्चंट यांची मुलगी राधिका मर्चंट शुक्रवारी एका भव्य समारंभात विवाहबंधनात अडकले.

अनंत आणि राधिकाच्या लग्नाचे रिसेप्शन आज संध्याकाळी मुंबईत पार पडणार आहे. शुभ अर्शिवाद या कार्यक्रमात पंतप्रधान नरेंद्र मोदींसह अनेक बड्या व्यक्ती सहभागी होऊ शकतात. रविवारी होणाऱ्या रिसेप्शनला मंगल उत्सव असे नाव देण्यात आले आहे.

मोठे सेलिब्रिटी जमले: अमेरिकन रिॲलिटी टीव्ही स्टार किम कार्दशियन आणि तिची बहीण ख्लो कार्दशियन, नायजेरियन रॅपर रेमा, माजी ब्रिटनचे पंतप्रधान टोनी ब्लेअर, प्रमुख तेल कंपनी 'सौदी अरामको'चे मुख्य कार्यकारी अधिकारी अमीन नासेर, 'सॅमसंग इलेक्ट्रॉनिक्स'चे अध्यक्ष जय ली आणि एम्मा वॉल्मस्ले, फार्मास्युटिकल कंपनी 'जीएसके पीएलसी'च्या मुख्य कार्यकारी अधिकारी यांसारख्या अनेक प्रसिद्ध व्यक्तींनी विवाह सोहळ्याला उपस्थिती लावली.

अमिताभपासून शाहरुखपर्यंत, सचिनपासून धोनीपर्यंत: अमिताभ बच्चन, शाहरुख खान आणि सलमान खानपासून ते अजय देवगण, रणबीर कपूर, आलिया भट्ट, टायगर श्रॉफ आणि वरुण धवनपर्यंत जवळपास सर्वच टॉपचे बॉलिवूड कलाकार या कार्यक्रमाला उपस्थित होते. यातील बहुतांश जण त्यांच्या कुटुंबीयांसह कार्यक्रमाला उपस्थित होते. याशिवाय रजनीकांत, राम चरण आणि महेश बाबू यांच्यासह दक्षिण भारतीय चित्रपट उद्योगातील अनेक कलाकार या सोहळ्याचा भाग बनले. या लग्नाला सचिन तेंडुलकर, महेंद्रसिंग धोनी, एस श्रीकांत, जसप्रीत बुमराह, हार्दिक पांड्या आणि सूर्यकुमार यादव यांच्यासह अनेक क्रिकेटपटूंनी हजेरी लावली होती.