महाराष्ट्रात कोरोना व्हायरसमुळे होणारी परिस्थिती अत्यंत चिंताजनक आहे. बुधवारी, राज्यात गेल्या 24 तासांत 58,952 रुग्ण आढळले आहेत. यासह, 278 लोक मरण पावले आहेत. पण या सर्वांच्या दरम्यान मुंबईतील कोरोना रुग्ण (कोविड 19) यांना आणखी एका संकटातून जावे लागले. मुंबई (Mumbai) येथेही कोरोनाचे रुग्ण खूप वेगवान वाढत आहेत. अशा परिस्थितीत शहरातील रुग्णालयांमध्ये बेडची कमतरता आहे. यासह रुग्णांना ऑक्सिजनही मिळत नाही. यामुळे परिस्थिती आणखी बिकट झाली आहे.
मुंबईतील दहिसर भागातील एका व्यक्तीला पत्नीला रुग्णालयात दाखल करण्यात त्रास होत आहे. कारण तेथे आयसीयू बेड उपलब्ध नाहीत. रुग्णालयातर्फे फोनवर सांगितले होते की तेथे बेड उपलब्ध आहेत. पण इथे त्यांना बेड मिळत नाही.
दुसरीकडे, रुग्णालयात बेड नसल्यामुळे कोरोना रूग्णांना रुग्णवाहिकेत बसून ऑक्सिजन घ्यावे लागत आहे. परंतु लवकरच त्यांचा ऑक्सिजन संपल्यानंतर, दुसरा सिलिंडर उपलब्ध होऊ शकत नाही आहे.
मुंबईत हॉस्पिटलमध्ये ऑक्सिजन, औषधे आणि बेडची उपलब्धता संपुष्टात येत आहे. रूग्णांना बेड आणि ऑक्सिजनसाठी भटकावं लागत लागत आहे. मुंबईत संसर्गाचे 9,931 नवीन रुग्ण आढळले आहेत, तर 54 लोकांचा मृत्यू झाला आहे. शहरात मृत्यूची संख्या 12,147 वर गेली.
