मनोज जरांगे यांना मुंबईत प्रवेश नाकारला; गणेशोत्सवामुळे १९ सप्टेंबरच्या आंदोलनाला पोलिसांनी परवानगी नाकारली

मुंबई पोलिसांनी मनोज जरांगे यांच्या १९ सप्टेंबर रोजी आझाद मैदानावर होणाऱ्या आमरण उपोषणाला परवानगी नाकारली आहे. गर्दी, वाहतूक आणि गणेशोत्सवादरम्यान होणाऱ्या संभाव्य परिणामाचे कारण देत पोलिसांनी हा निर्णय दिला.

मराठा आरक्षणाच्या मागणीसाठी मनोज जरांगे -पाटील यांनी मुंबईत आयोजित केलेल्या आंदोलनाच्या तयारीला मोठा धक्का बसला आहे. मुंबई पोलिसांनी १९ सप्टेंबर रोजी आझाद मैदानावर प्रस्तावित आमरण उपोषण आणि आंदोलनाला परवानगी नाकारली आहे.

जरांगे-पाटील यांनी आंदोलनासाठी पोलिसांकडे परवानगी मागितली होती आणि आंदोलनादरम्यान पोलिसांच्या सर्व अटींचे पालन करण्याचे लेखी आश्वासनही दिले होते. तथापि, दक्षिण मुंबईतील कायदा आणि सुव्यवस्था तसेच सामान्य जीवनावर होणाऱ्या संभाव्य परिणामाचे कारण देत पोलिसांनी परवानगी नाकारली. आंदोलकांच्या मोठ्या गर्दीमुळे शाळा, रुग्णालये, व्यावसायिक आस्थापने, न्यायव्यवस्था, सार्वजनिक वाहतूक आणि सार्वजनिक आरोग्यावर परिणाम होऊ शकतो, अशी चिंता पोलिसांनी व्यक्त केली आहे.

Edited By- Dhanashri Naik