महाराष्ट्रातील मुंबईत धक्कादायक घटना समोर आली आहे. आई घरी नसताना एका तरुणाने आणि त्याच्या मैत्रिणीने एका लहान मुलीसोबत घृणास्पद कृत्य केले.
मिळालेल्या माहितीनुसार मुंबईत एक हृदयद्रावक घटना उघडकीस आली आहे. १० वर्षांच्या मुलीवर लैंगिक अत्याचार करण्यात आला आहे. या प्रकरणी पोलिसांनी २४ वर्षीय तरुण आणि त्याच्या २१ वर्षीय मैत्रिणीला अटक केली आहे. असा आरोप आहे की नराधमाने लहान मुलीच्या गुप्तांगात स्क्रूड्रायव्हर घातला. व तीला असह्य वेदना दिल्या. या दरम्यान त्याच्या मैत्रिणीने या घटनेचा व्हिडिओ देखील बनवला. ही घटना मुंबईत घडली. यामुळे लहान मुलांच्या सुरक्षिततेवर पुन्हा प्रश्नचिन्ह निर्माण झाले आहे.
संपूर्ण प्रकरण काय आहे?
पीडित मुलीची आई एका केटरिंग कंपनीत काम करते. व दोन्ही आरोपी वेटर आहे आणि मुलीच्या आईच्या हाताखाली काम करतात. पोलिसात दाखल केलेल्या तक्रारीनुसार, मुलीची आई कामावर गेली असताना, आरोपीने मुलीवर अनेक वेळा अन्याय केला. तिच्या गुप्तांगात स्क्रू ड्रायव्हर घालून तिला वेदना दिल्या.
पोलिसांनी सांगितले की, २४ वर्षीय तरुणाने लहान मुलीवर अनेक वेळा अत्याचार केले. व त्याच्या मैत्रिणीने या छळाचा व्हिडिओ बनवला. आरोपीने लहान मुलीला मारहाणही केली. व तिला धमकी दिली की जर तिने तिच्या आईला याबद्दल सांगितले तर तो व्हिडिओ व्हायरल करेल. मुलीने धाडस करून ही घटना तिच्या आईला सांगितली. यानंतर तिच्या आईने पोलिसात तक्रार दाखल केली. मेघवाडी पोलिस ठाण्याचे वरिष्ठ निरीक्षक म्हणाले की, आम्ही दोन्ही आरोपींना अटक केली आहे. त्यांना न्यायालयात हजर करण्यात आले. न्यायालयाने त्यांना दोन दिवसांची पोलिस कोठडी सुनावली आहे.
Edited By- Dhanashri Naik
