मुंबई विमानतळावर 2.4 किलो हेरॉईन जप्त, विदेशी तस्कराला अटक

ड्रग्ज तस्करीच्या विरोधात कस्टम पथकाला पुन्हा एकदा यश मिळाले आहे. या पथकाने विमानतळावर एका तस्करासह अडीच किलो हेरॉईन जप्त केले आहे. जप्त करण्यात आलेल्या हेरॉईनची किंमत जवळपास 16.80 कोटी रुपये असल्याचे सांगण्यात येत आहे.

16 एप्रिल रोजी मुंबई विमानतळ कस्टम्सने युगांडातील एंटेबे येथून आलेल्या एका परदेशी नागरिकाकडून 16.80 कोटी रुपयांचे 2.4 किलो हेरॉईन जप्त केले. ही एका काड्याच्या खोट्या पोकळीत लपवून ठेवली होती. सध्या पथकाने आरोपीला अटक केली असून त्याची चौकशी सुरू आहे.

यापूर्वीही महसूल गुप्तचर संचालनालयाने (डीआरआय) छत्रपती शिवाजी महाराज आंतरराष्ट्रीय विमानतळावर कोट्यवधींचे हेरॉईन जप्त केले आहे. आदिस अबाबा येथून मुंबई विमानतळावर प्रवास करणाऱ्या प्रवाशाकडून 70 कोटी रुपयांचे ड्रग्ज जप्त करण्यात आल्याची माहिती डीआरआयने दिली. त्या प्रवाशाच्या बॅगची झडती घेतली असता त्यामध्ये 9.97 किलो ड्रग्ज आढळून आले. याची अवैध आंतरराष्ट्रीय बाजारातील किंमत सुमारे 70 कोटी रुपये आहे.