भारतीय पोलीस सेवा (IPS) अधिकारी संजय कुमार वर्मा यांची महाराष्ट्राचे नवीन पोलीस महासंचालक (DGP) म्हणून नियुक्ती करण्यात आली आहे.
रश्मी शुक्ला यांच्या जागी 1990 च्या बॅचचे महाराष्ट्र केडरचे आयपीएस अधिकारी संजय वर्मा यांची नियुक्ती झाली आहे. महाराष्ट्रात 20 नोव्हेंबरला विधानसभा निवडणुका होणार आहेत.
यापूर्वी प्रमुख विरोधी पक्षांनी रश्मी शुक्ला पक्षपाती असल्याची तक्रार निवडणूक आयोगाकडे केली होती,सोमवारी शुक्ला यांना तत्काळ प्रभावाने राज्य पोलीस प्रमुख पदावरून हटवण्यात आले.
संजय वर्मा, महासंचालक (कायदा आणि तंत्रज्ञान) म्हणून कार्यरत, 1990 च्या बॅचचे आयपीएस अधिकारी आहेत. संजय वर्मा यांनी 2015 मध्ये कम्युनिस्ट नेते आणि तर्कवादी गोविंद पानसरे यांच्या हत्येची चौकशी करणाऱ्या एसआयटीचे प्रमुख होते. एप्रिल 2028 मध्ये ते निवृत्त होणार आहेत.
आयपीएस संजय वर्मा हे मुंबईचे पोलिस आयुक्त विवेक फणसळकर यांच्याकडून पदभार स्वीकारणार आहेत. निवडणूक आयोगाच्या निर्देशानुसार सोमवारी फणसाळकर यांच्याकडे डीजीपीचा अतिरिक्त कार्यभार सोपवण्यात आला. निवडणूक आयोगाने सोमवारी महाराष्ट्राच्या मुख्य सचिवांना रश्मी शुक्ला यांचा पदभार पुढील सर्वात वरिष्ठ आयपीएस अधिकाऱ्याकडे सोपवण्याचे निर्देश दिले.
निवडणूक आयोगाने आज त्या नावांवर विचार करून संजय वर्मा यांच्या नावाला मंजुरी दिली, त्यानंतर राज्य सरकारने त्यांची महाराष्ट्राच्या डीजीपीपदी नियुक्ती केली. IPS संजय वर्मा एप्रिल 2028 मध्ये सेवानिवृत्त होईपर्यंत सेवेत राहतील.
रश्मी शुक्ला या महाराष्ट्राच्या पहिल्या महिला DGP होत्या. यंदा महायुती सरकारने त्यांचा कार्यकाळ सुमारे दोन वर्षांसाठी वाढवला होता.
1988 च्या बॅचचे महाराष्ट्र केडरच्या आयपीएस अधिकारी,रश्मी शुक्ला या जून 2024 मध्ये निवृत्त होणार होत्या
उद्धव ठाकरे यांच्या नेतृत्वाखालील महाविकास आघाडी (MVA) सरकारच्या काळात रश्मी शुक्ला यांना गंभीर आरोपांना सामोरे जावे लागले होते.
त्याच्याविरुद्ध मुंबई आणि पुण्यात तीन एफआयआर नोंदवण्यात आले होते. तथापि, दोन एफआयआर नंतर मुंबई उच्च न्यायालयाने रद्द केले, तर एका प्रकरणाचा तपास सीबीआयने केला आणि नंतर पुराव्याअभावी बंद करण्यात आला.
