उत्तर मुंबईतील दहिसर येथील २४ मजली इमारतीला रविवारी लागलेल्या आगीत एका महिलेचा मृत्यू झाला आणि १८ जण जखमी झाले. अधिकाऱ्यांनी ही माहिती दिली. दहिसर पूर्वेतील शांती नगर येथील न्यू जनकल्याण सोसायटीमध्ये दुपारी ३ वाजताच्या सुमारास आग लागल्याचे एका अधिकाऱ्याने सांगितले.
ते म्हणाले, "इमारतीत राहणाऱ्या ३६ जणांना वाचवण्यात आले, त्यापैकी १९ जणांना विविध रुग्णालयात नेण्यात आले. रोहित रुग्णालयात दाखल करण्यात आलेल्या सात जणांपैकी एका महिलेचा मृत्यू झाला. एका पुरूषाची प्रकृती गंभीर आहे. इतरांची प्रकृती स्थिर आहे. जखमींपैकी दहा जणांना नॉर्दर्न केअर हॉस्पिटलमध्ये आणि प्रत्येकी एकाला प्रगती हॉस्पिटल आणि महानगरपालिका संचालित शताब्दी हॉस्पिटलमध्ये नेण्यात आले." आग आटोक्यात आणण्यात आली
पोलिस सूत्रांनुसार, आगीचे कारण अद्याप स्पष्ट झालेले नाही. प्राथमिक तपासात, शॉर्ट सर्किट किंवा गॅस सिलिंडर गळतीचा संशय आहे. आग लागली तेव्हा इमारतीत अनेक लोक उपस्थित होते. धूर आणि आगीमुळे अनेक लोक घराबाहेर पडू शकले नाहीत आणि अडकले. काही रहिवाशांनी जीव वाचवण्यासाठी टेरेसचा आसरा घेतला.
Edited By- Dhanashri Naik
