जम्मू-काश्मीरमधील राजौरी येथील बाजी माल भागात सुरक्षा दल आणि दहशतवाद्यांमध्ये चकमक सुरू असून, यात दोन लष्करी अधिकारी शहीद झाले असून दोन जवान जखमी झाले आहेत. शहीद अधिकाऱ्याचा मृतदेह जंगलातून बाहेर काढण्यात आला आहे. सध्या दोन्ही बाजूंनी जोरदार गोळीबार सुरू आहे. विशिष्ट माहितीवरून, एक घेराबंदी आणि शोध मोहीम घेण्यात आली. येथे किमान दोन दहशतवादी असल्याची माहिती देण्यात आली.
जम्मूचे आयजी आनंद जैन यांनी सांगितले की, राजौरीतील कालाकोट भागातील धरमसाल पोलिस स्टेशनच्या सोल्की गावातील बाजी माल परिसरात दहशतवादी असल्याची माहिती मिळाली होती. त्यावर घेराव घालण्यात आला. येथे दहशतवाद्यांनी गोळीबार सुरू केला असून त्याला प्रत्युत्तर दिले जात आहे. सध्या या चकमकीसंदर्भात लष्कर आणि पोलीस अधिकारी घटनास्थळी उपस्थित आहेत.
जखमी झालेल्या 1 जवानाची प्रकृती चिंताजनक आहे
काश्मीर पोलिस आणि भारतीय लष्कराचे अनेक जवान या परिसराला घेराव घालण्यासाठी तैनात आहेत. जंगलाच्या दिशेने झालेल्या गोळीबारात 2 ते 3 जवान जखमी झाल्याची माहिती मिळाली आहे. त्यांना तातडीने रुग्णालयात दाखल करण्यात आले. येथील एका जवानाची प्रकृती चिंताजनक आहे.
