Uttar Pradesh News : उत्तर प्रदेशातील नोएडा जिल्ह्यात, पोलिसांनी 16 वर्षांपासून फरार असलेल्या एका आरोपीला अटक केली आहे, ज्याने 2009 मध्ये 2 वर्षांच्या मुलाची हत्या केली होती. आरोपी मूळचा बिहारचा रहिवासी आहे.
पोलिस अधिकाऱ्यांनी सोमवारी ही माहिती दिली. 10 ऑक्टोबर 2009 रोजी आरोपीने एका घरात घुसून एका निष्पाप मुलाला विजेचा धक्का देऊन त्याची हत्या केली होती. हत्येनंतर तो नेपाळला पळून गेला आणि तेव्हापासून तो फरार होता. या प्रकरणात नोएडा पोलिसांनी 25,000 रुपयांचे बक्षीसही जाहीर केले होते.
अधिकाऱ्यांनी सांगितले की, आरोपी मृताच्या घरी इलेक्ट्रिशियन म्हणून जात असे आणि नोएडाच्या सेक्टर 58 मधील मामुरा येथे काम करत असे. हत्येच्या दिवशी चिमुरड्याने आईवडील घरी नसताना आरोपी घरात घुसला, व चिमुरड्याची हत्या केली. यानंतर आरोपी नेपाळला पळून गेला. नोएडा पोलिस त्याचा सतत शोध घेत होते आणि अखेर त्याला अटक करण्यात आली. डीसीपीम्हणाले की, आरोपीला अटक केल्यानंतर आता पोलिस मृताच्या कुटुंबाला माहिती देण्याचा प्रयत्न करत आहे. ही अटक पोलिसांसाठी एक मोठे यश मानले जात आहे, कारण आरोपी इतक्या वर्षांपासून फरार होता.
Edited By- Dhanashri Naik
