मध्य प्रदेशातील रीवा जिल्ह्यात शुक्रवारी एक मूल बोअरवेलमध्ये पडले. मुलाला वाचवण्यासाठी बचाव कार्य सुरु आहे. अधिका-यांनी सांगितले की, उत्तर प्रदेशच्या सीमेला लागून असलेल्या मनिका गावात दुपारी तीनच्या सुमारास ही घटना घडली जेव्हा मुल उघड्या बोअरवेलजवळ खेळत होते.आणि खेळता खेळता तो पडला.मयंक मुलाचे नाव आहे. राज्य आपत्ती आपत्कालीन प्रतिसाद दल (एसडीईआरएफ) ची एक टीम सुमारे 40 फूट खोलवर अडकलेल्या मुलाची सुटका करण्यासाठी सेवेत सामील झाली आहे.
पाईपद्वारे बोअरवेलच्या आत ऑक्सिजनचा पुरवठा केला जात आहे. मुलाच्या प्रकृतीवर लक्ष ठेवण्यासाठी बोअरवेलच्या आत सीसीटीव्ही कॅमेराही पाठवण्यात आला होता, मात्र काही अडथळ्यांमुळे कॅमेरा पोहोचू शकला नाही, असे त्यांनी सांगितले. बोअरवेल सुमारे 70 फूट खोल असून मुलाला वाचवण्यासाठी समांतर खड्डा खोदला आहे.
.
मुलगा आपल्या मित्रांसोबत शेतात कापणी केलेल्या गव्हाच्या पिकावर खेळत असताना तो बोअरवेलमध्ये पडला. इतर मुलांनी त्याला मदत करण्याचा प्रयत्न केला. त्यांना जमले नाही, तेव्हा त्यांनी तात्काळ मयंकच्या पालकांना माहिती दिली, त्यानंतर त्यांनी पोलिस आणि प्रशासनाला माहिती दिली, माहिती मिळताच स्टेशन प्रभारी आणि एसडीएम घटनास्थळी पोहोचले. बनारस येथून 2 जेसीबी, कॅमेरामनची एक टीम आणि एसडीआरएफची टीम बचाव कार्य करत आहे. बोअरवेलमध्ये पडलेल्या मुलाला सुखरूप बाहेर काढण्यासाठी सातत्याने प्रयत्न सुरू असल्याचे सांगण्यात येत आहे.