गोव्यातील अंजुना भागात एका रिसॉर्टला भेट देणाऱ्या कुटुंबावर तलवारी आणि चाकूने हल्ला करण्यात आला. रविवारी या कुटुंबावर काही हल्लेखोरांनी अमानुष हल्ला केला होता. घटनेची छायाचित्रे आणि व्हिडिओमध्ये या लोकांच्या शरीरावर खोल जखमा दिसत आहेत. पीडित जतिन शर्माने आपल्या इन्स्टाग्राम हँडलवर लोकांना घडलेले सर्व सांगितले. या भीषण हल्ल्याचे वर्णन करताना जतीन म्हणाले की त्यांनी व्यवस्थापकाकडे या कर्मचार्‍यांबद्दल तक्रार केली होती, ज्यांना नंतर काढून टाकण्यात आले आणि त्यांची बदली करण्यात आली. जतीनच्या अंगावर अनेक जखमा आहेत.
आपल्या सोशल मीडिया पोस्टमध्ये पंतप्रधान नरेंद्र मोदी आणि मीडियाला टॅग करत पीडित जतिन शर्मा म्हणाले, “स्थानिक गुंडांनी हल्ला केला, परंतु पोलिसांनी 307 ऐवजी कलम 324 अंतर्गत गुन्हा दाखल केला. पोलिसांनी चार हल्लेखोरांना अटक केली, मात्र नंतर त्यांना सोडून दिले.