MiG-21 Crash in Rajasthan Barmer: राजस्थानमध्ये एक मोठी दुर्घटना घडली आहे. बाडमेरमध्ये मिग-21 विमान कोसळले आहे. हवाई दलाच्या मिग-21 मध्ये दोन पायलट होते. हा अपघात इतका भीषण होता की, मिगचा ढिगारा अर्धा किलोमीटर दूर पसरला होता. हा अपघात बारमेरच्या बैतू पोलीस स्टेशन हद्दीतील भीमडा गावात झाला.
अपघातापूर्वी मिग-21 हे विमान भीमडा गावाभोवती फिरत होते. सध्या अपघाताचे कारण समजू शकलेले नाही. ही घटना रात्री नऊच्या सुमारास घडली. माहिती मिळताच जिल्हाधिकारी, एसपी यांच्यासह हवाई दलाचे अधिकारी घटनास्थळी रवाना झाले.