'मैं अरविंद केजरीवाल शपथ लेता हूँ', असे म्हणत घेतली मुख्यमंत्रिपदाची शपथ

उपराज्यपाल अनिल बैजल यांच्या उपस्थितीत दिल्लीचे मुख्यमंत्री अरविंद केजरीवाल यांनी सलग तिस-यांदा दिल्लीच्या मुख्यमंत्रिपदाची शपथ घेतली.

शपथविधीचा हा सोहळा अनेक अर्थांनी विशेष असणार आहे. या सोहळ्यासाठी दिल्लीतील सर्वच लोकांना आमंत्रित करण्यात आले. विशेष म्हणजे शपथविधीच्या मंचावर दिल्लीच्या विकासात योगदान देणारे ५० विशेष पाहुणे उपस्थित आहेत. यात डॉक्टर्स, शिक्षक, बाइक रायडर्स, एम्ब्युलन्स चालक, सफाई कर्मचारी, बांधकाम कामगार, बस मार्शल, ऑटो ड्रायव्हर अशा लोकांचा समावेश आहे.