पहलगाममधील दहशतवादी हल्ल्यात २६ जणांचा मृत्यू झाला आहे. दरम्यान, या दहशतवादी हल्ल्यात मृत्युमुखी पडलेल्या सर्व मृतांना ५ लाख रुपयांची मदत देण्याची घोषणा मुख्यमंत्री हिमंता बिस्वा सरमा यांनी केली आहे.
मिळालेल्या माहितीनुसार पहलगाममधील दहशतवादी हल्ल्यात २६ जणांचा मृत्यू झाला आहे. आसामचे मुख्यमंत्री हिमंता बिस्वा सरमा यांनी एक मोठी घोषणा केली आहे. पहलगाम दहशतवादी हल्ल्यात मृत्युमुखी पडलेल्या सर्व २६ जणांच्या कुटुंबियांना त्यांनी ५ लाख रुपयांची मदत जाहीर केली. पहलगाम हल्ल्यापासून भारत सरकार अॅक्शन मोडमध्ये आहे. तसेच केंद्र सरकारने आज सर्वपक्षीय बैठक बोलावली आहे, ज्यामध्ये परराष्ट्र मंत्री एस जयशंकर आणि गृहमंत्री अमित शहा देखील सहभागी होतील.
पहलगाममधील दहशतवादी हल्ल्याच्या निषेधार्थ भारत सरकारने अनेक मोठे निर्णय घेतले आहे, ज्या अंतर्गत सार्कद्वारे पाकिस्तानी नागरिकांना दिले जाणारे व्हिसा रद्द करण्यात आले आहे. पाकिस्तानमधील भारतीय दूतावासातील कर्मचाऱ्यांची संख्या कमी करण्यात आली आहे. वाघा-अटारी सीमा बंद करण्यात आली आहे आणि सर्वात महत्त्वाचा सिंधू पाणी करार स्थगित करण्यात आला आहे.
Edited By- Dhanashri Naik
