पहलगाम दहशतवाद हल्ल्यांनंतर भारताने पाकिस्तानला धडा शिकवण्यासाठी पाकिस्तानला जाणाऱ्या सर्व प्रकारच्या पोस्टल आणि पार्सल सेवा बंद केल्या आहेत. आता पोस्ट आणि पार्सल हवाई किंवा जमिनीच्या मार्गाने पाठवता किंवा प्राप्त करता येणार नाहीत. शनिवारी सूत्रांनी ही माहिती दिली.
दक्षिण काश्मीरमधील पहलगाम येथे झालेल्या दहशतवादी हल्ल्यानंतर भारत पाकिस्तानविरुद्ध एकामागून एक पावले उचलत आहे. पोस्ट आणि पार्सलवर बंदी घालण्याचा निर्णय त्याच मालिकेचा एक भाग आहे. या दहशतवादी हल्ल्यात 26 जणांचा मृत्यू झाला, ज्यात बहुतेक पर्यटक होते.
पाकिस्तानस्थित दहशतवादी संघटना लष्कर-ए-तैयबाशी संबंधित असलेल्या रेझिस्टन्स फ्रंट (टीआरएफ) ने या हल्ल्याची जबाबदारी स्वीकारली. फेब्रुवारी 2019 मध्ये पुलवामा हल्ल्यानंतर जम्मू आणि काश्मीरमध्ये झालेला हा सर्वात मोठा दहशतवादी हल्ला होता. त्या हल्ल्यात 47 सीआरपीएफ जवान शहीद झाले होते.
यापूर्वी, पहलगाममधील दहशतवादी हल्ल्यानंतर, सुरक्षा मंत्रिमंडळ समितीच्या (CCS) बैठकीत अनेक मोठे निर्णय घेण्यात आले. यामध्ये, 1960 चा सिंधू पाणी करार तात्काळ प्रभावाने स्थगित करण्यात आला. यामुळे अटारी एकात्मिक तपासणी नाका तात्काळ बंद करण्यात आला. याशिवाय, सार्क व्हिसा सूट योजनेअंतर्गत पाकिस्तानी नागरिकांना भारतात प्रवास करण्यास बंदी घालण्यात आली होती. भारतात उपस्थित असलेल्या कोणत्याही पाकिस्तानी नागरिकाला भारत सोडण्यासाठी 48 तासांचा कालावधी देण्यात आला
