मोठी बातमी, नंदनकानन एक्स्प्रेस ट्रेनवर गोळीबार

ओडिशात चालत्या ट्रेनवर गोळीबार झाला आहे. ट्रेनवर अनेक गोळ्या झाडण्यात आल्या आहेत. ही घटना उघडकीस आल्यानंतर खळबळ उडाली आहे. रेल्वे प्रोटेक्शन फोर्स (RPF) आणि सरकारी रेल्वे पोलीस (GRP) या प्रकरणाचा तपास करत आहेत.

ओडिशामध्ये नंदनकानन एक्स्प्रेसवर काही हल्लेखोरांनी गोळीबार केला असून आज सकाळी 9.25 वाजता चरम्पा रेल्वे स्थानकावरून गाडी सुटत असताना ही घटना घडली.ट्रेन मॅनेजरची तक्रार आल्यानंतर भद्रक जीआरपीने तपास सुरू केला

एकाही प्रवाशाला बसण्यासाठी जागा नसलेल्या गार्डच्या व्हॅनच्या डब्याकडे हा गोळीबार करण्यात आला. या घटनेत कोणीही जखमी झाल्याची माहिती नाही. गोळीबार कोणी केला आणि हेतू काय होता याचा तपास अधिकारी करत आहेत.या घटनेत प्रत्यक्ष गोळीबार होता की दगडफेकीची घटना होती याची पुष्टी करण्यासाठी अधिकारी अजूनही काम करत आहेत.

Edited By - Priya Dixit