सोमवारी संध्याकाळी दिल्लीतील लाल किल्ला मेट्रो स्टेशनजवळ स्फोट झाला. प्राथमिक माहितीनुसार, मेट्रो स्टेशनजवळील एका कारमध्ये स्फोट झाला. त्यानंतर कारला आग लागली. माहिती मिळताच एकूण 7 अग्निशमन दलाच्या गाड्या घटनास्थळी पोहोचल्या. आग आटोक्यात आणण्यात आली आहे. दिल्ली पोलिसांच्या स्पेशल सेलची एक टीम देखील घटनास्थळी उपस्थित आहे. अनेक जण जखमी झाल्याचे वृत्त आहे.
स्फोटात जखमी झालेल्या चार ते पाच जणांना एलएनजेपी रुग्णालयात आणण्यात आल्याचे सूत्रांनी सांगितले. या संदर्भात पोलिसांकडून कोणतेही अधिकृत निवेदन जारी करण्यात आलेले नाही. स्फोटानंतर दिल्लीत हाय अलर्ट जारी करण्यात आला आहे. स्फोट इतका शक्तिशाली होता की वाहनांचे तुकडे झाले.लाल किल्ला मेट्रो स्टेशनच्या गेट क्रमांक 1 जवळ कारमध्ये स्फोट झाल्याची माहिती मिळाली, त्यानंतर इतर तीन-चार वाहनांनाही आग लागली आणि त्यांचे नुकसान झाले. एकूण सात अग्निशमन दलाच्या गाड्या घटनास्थळी पोहोचल्या आहेत.
एका प्रत्यक्षदर्शीने सांगितले की, "मी गुरुद्वारात असताना मला मोठा आवाज ऐकू आला. आम्हाला तो आवाज काय आहे हे देखील समजले नाही, तो खूप मोठा होता. जवळच उभ्या असलेल्या अनेक वाहनांचे पूर्णपणे नुकसान झाले."
लाल किल्ला परिसर हा दिल्लीतील सर्वात वर्दळीच्या आणि दाट लोकवस्तीच्या क्षेत्रांपैकी एक आहे.
दिल्ली अग्निशमन विभागाच्या म्हणण्यानुसार, लाल किल्ला मेट्रो स्टेशनच्या गेट क्रमांक 1 जवळ उभ्या असलेल्या एका कारमध्ये स्फोट झाल्याची नोंद झाली आहे, ज्यामुळे जवळ उभ्या असलेल्या तीन ते चार वाहनांना आग लागली आणि त्यांचे नुकसान झाले.
मीडिया रिपोर्ट्सनुसार, हा स्फोट एका इको व्हॅनमध्ये झाला. अग्निशमन दलाच्या पथकांनी घटनास्थळी धाव घेतली आणि आग आटोक्यात आणली. अग्निशमन अधिकाऱ्यांनी सांगितले की, स्फोटाचे कारण तपासले जात आहे. दिल्लीतील स्फोटानंतर, मुंबईत सुरक्षा सतर्कता जारी करण्यात आली आहे.
