दिल्लीत आगामी महानगरपालिका निवडणुकीचे मतदान १२ एप्रिल रोजी आणि मतमोजणी २५ एप्रिल रोजी होणार, असे निवडणूक आयोगाने मंगळवारी जाहीर केले. यासोबतच या मतदानात इलेक्ट्रॉनिक व्होटिंग मशिन्सचाच (ईव्हीएम) वापर होणार, असेही आयोगाने स्पष्ट केले. तत्पूर्वी दिल्लीचे मुख्यमंत्री अरविंद केजरीवाल यांनी मुख्य सचिवांना मनपा निवडणूक 'ईव्हीएम'ऐवजी मतपत्रिकांवरून घेण्याचे आदेश दिले होते.
देशात पाच राज्यांच्या विधानसभा निवडणुकीचे निकाल जाहीर झाल्याच्या अवघ्या काही दिवसांतच दिल्ली निवडणूक आयोगाने महानगरपालिका निवडणुकीसाठी महत्त्वाच्या तारखा जाहीर केल्या. त्यानुसार, २२ एप्रिल २0१७ रोजी मतदान होणार असून, मतमोजणी २५ एप्रिलला केली जाईल. तारखा जाहीर होताच दिल्लीत आचारसंहिता लागू करण्यात आली.