राजस्थानमध्ये गाय आणि बैलाचा अनोखा विवाह चर्चेत आहे. हा विवाह सीकर जिल्ह्यातील फतेहपूर शहरातील पिंजरापोल गोशाळेत पार पडला. गौ माता आणि नंदीबैल यांचा विवाह विधी सनातन विवाह प्रथेनुसार पार पडला.
फतेहपूर पिंजरापोल गोशाळा समितीचे सुनील बुबना यांनी सांगितले की, गो माता आणि नंदी महाराज यांचा विवाह थाटामाटात पार पडला. पाच पंडितांच्या सानिध्यात, औपचारिक मंत्रोच्चारांसह, तिने नंदी महाराजांशी लग्न केले. दुर्गा प्रसाद आणि विजयकुमार देवरा यांच्या कुटुंबाने लग्नाच्या मुख्य सूत्रधाराची भूमिका बजावली. त्यांनी स्वतः गाय दान केली.
नंदी बैलाचे आणि गायीचे लग्न थाटामाटात लावले गायीला मेहंदी , हळद लावली नंतर गाजत वाजत त्यांची वरात काढली. बैल आणि गायीच्या लग्नासाठी लग्नमांडव तयार केला होता वर बैल आणि वधू गायीला सजवले होते. नंतर मिरवणूक काढण्यात आली आणि वैदिक मंत्रोच्चाराच्या मध्ये त्यांचा विवाह सोहळा पार पडला.
पितरांच्या शांतीसाठी आणि कुटुंबाच्या वाढीसाठी गाय आणि बैलाचे लग्न केले जाते. गाई आणि नदीच्या विवाहाबाबत धर्मग्रंथात कुठेही उल्लेख नाही, असे धार्मिक विद्वानांचे मत असले तरी हा विवाह लोकांच्या भावनांचे प्रतीक आहे. पिंजरापोल समितीचे सुनील बुबना यांनी सांगितले की, गाय आणि नंदीच्या लग्नानंतर त्यांना फतेहपूरच्या मांडवा रोडवर असलेल्या गोशाळेत सोडण्यात आले. फतेहपूरच्या पिंजरापोळ गोशाळेत 1154 गायी आहेत. गाय-नंदीच्या दोन जोडप्यांचा विवाह झाला आहे.
