Gujarat: मुलीच्या प्रेमविवाहामुळे कुटुंबाची विष प्राशन करून सामूहिक आत्महत्या, दोघांचा मृत्यू

Gujrat : मुलीच्या प्रेमविवाहामुळे नाराज असलेल्या गुजरातमधील अहमदाबाद जिल्ह्यात एका कुटुंबाने विष प्राशन करून सामूहिक आत्महत्येचा प्रयत्न केला. पोलिसांनी दिलेल्या माहितीनुसार, मुलीचे पालक आणि तिच्या दोन भावांनी विष प्राशन केल्याचा आरोप आहे. या घटनेत मुलीचे वडील आणि एका भावाचा मृत्यू झाला. 

वर्षभरापूर्वी दलित समाजातील व्यक्तीशी तिने प्रेमविवाह केला.हे लग्न मुलीच्या कुटुंबियांना मान्य नव्हते . यामुळे कुटुंबीय नाराज असल्याचे सांगण्यात येत आहे. मुलीचे वडील किरण राठोड (52), त्यांची पत्नी नीताबेन (50) आणि मुले हर्ष (24) आणि हर्षिल (19) यांनी मंगळवारी रात्री विष प्राशन केल्याचे त्यांनी सांगितले.

वडील किरण आणि त्यांच्या मोठा मुलाचा मृत्यू झाला तर त्यांची पत्नी आणि लहान मुलगा रुग्णालयात दाखल आहेत.“शेजाऱ्यांना घटनेची माहिती मिळताच त्यांनी रुग्णवाहिका बोलावून पोलिसांना माहिती दिली. त्यांना  एका खाजगी रुग्णालयात नेण्यात आले, तेथे डॉक्टरांनी त्या वडील किरण आणि मोठ्या मुलाला मृत घोषित केले. महिला आणि तिच्या लहान मुलावर तेथे उपचार सुरू आहेत.

पोलिसांनी सांगितले  की मुलीच्या सासरच्यांचा विरोधात आत्महत्येस प्रवृत्त केल्याच्या आरोपाखाली त्याच्यासह 18 जणांविरुद्ध एफआयआर दाखल करण्यात आला आहे. या प्रकरणाचा तपास सुरू आहे.

Edited by - Priya Dixit