हिमाचलचे मुख्यमंत्री सुखविंदर सुखू यांनी काँग्रेसमधून राजीनामा दिला आहे. यावर आता काँग्रेस हायकमांड निर्णय घेईल. सूत्रांनी दिलेल्या माहितीनुसार, संध्याकाळी काँग्रेस विधीमंडळ पक्षाची बैठक होणार असून, त्यात नवा नेता निवडला जाऊ शकतो. हिमाचल प्रदेशातील आमदारांच्या बंडानंतर मुख्यमंत्री सुखविंदर सिंग सुखू यांनी शरणागती पत्करली आहे. सायंकाळपर्यंत मुख्यमंत्री पदाबाबत मोठा निर्णय होऊ शकतो. बंडखोर आमदारही मुख्यमंत्री बदलण्याची मागणी करत होते.
काँग्रेसमध्ये निर्माण झालेले संकट पाहता भाजप सक्रिय आहे. काँग्रेसमधील फुटीचा फायदा घेत भाजप सरकार स्थापनेसाठी पर्याय शोधत आहे. विधिमंडळ पक्षनेते जयराम ठाकूर सातत्याने बहुमत चाचणीची मागणी करत आहेत. मात्र, अर्थसंकल्पापूर्वीच सभापतींनी ठाकूर यांच्यासह भाजपच्या १५ आमदारांची संपूर्ण अधिवेशनासाठी सभागृहातून हकालपट्टी केली आहे. यावरून विधानसभेत प्रचंड गदारोळ झाला.