मंडी / दिल्ली. हिमाचल प्रदेशातील मंडी येथील भाजप खासदार रामस्वरूप शर्मा (MP Ramswaroop Sharma) यांचे संशयास्पद अवस्थेत मृत्यू झाल्याची माहिती आहे.
प्राथमिक माहितीनुसार, त्यांनी आत्महत्या केल्याची भीती व्यक्त केली जात आहे. मात्र, ही घटना दिल्लीत निवासाची आहे.
दिल्लीतील आरएमएल रुग्णालयाजवळ खासदारांचे घर आहे. 62 वर्षीय भाजप खासदार रामस्वरूप शर्मा यांचा मृतदेह त्याच निवासस्थानी लटकलेला आढळला. सध्या आत्महत्येचे कारण समजू शकलेले नाही. त्यांच्या निधनाचे वृत्त आल्यानंतर भाजपच्या संसदीय मंडळाची आजची बैठक रद्द करण्यात आली आहे.
दिल्ली पोलिसांच्या माहितीनुसार त्यांना सकाळी 8.30 च्या सुमारास माहिती मिळाली की भाजपा खासदार रामस्वरूप शर्मा यांनी आरएमएल रुग्णालयाजवळील गोमती अपार्टमेंटमध्ये (एमपी फ्लॅट) आत्महत्या केली. अधिकारी घटनास्थळी दाखल झाले तेव्हा खासदार यांचा मृतदेह लटकलेला आढळला. अद्याप आत्महत्येमागील कारण स्पष्ट झालेले नसून पोलिसांनी तपास सुरू केला आहे.
जेव्हा ते उठले नाही तेव्हा कंट्रोल रूममध्ये फोन लावला
असे सांगितले जात आहे की खासदार रोज सकाळी 6.30 पर्यंत जाग येत असत. आज सकाळी 6.30 वाजेपर्यंत ते उठले नाही तेव्हा त्यांच्या पीएने कंट्रोल रूमला कॉल केला.
त्यानंतर पोलिसांनी येऊन दार तोडले. कुक पीए घरात उपस्थित होते आणि कुटुंबातील उर्वरित सदस्य वडिलोपार्जित गावात राहतात. 62 वर्षीय खासदार बर्याबच दिवसांपासून आजारी होते, असेही सांगितले जात आहे. घटनास्थळी घरी बरीच औषधे सापडली आहेत.
