इंफाळ. मणिपूरच्या नोनी जिल्ह्यात बुधवारी स्कूल बसचा भीषण अपघात झाला. या अपघातात अनेक विद्यार्थ्यांचा मृत्यू झाल्याची भीती व्यक्त केली जात आहे. या अपघातात थंबलानू उच्च माध्यमिक विद्यालयातील 15 विद्यार्थ्यांचा मृत्यू झाल्याची बातमी आहे. प्राथमिक माहितीनुसार, यारीपोक येथील थंबलानू उच्च माध्यमिक विद्यालयातील विद्यार्थ्यांना घेऊन दोन बस शिक्षण दौऱ्यावर खापुम येथे जात असताना हा अपघात झाला.
वृत्तानुसार, 15 विद्यार्थ्यांचा मृत्यू झाल्याची भीती व्यक्त केली जात आहे. यासोबतच अनेक विद्यार्थीही जखमी झाले आहेत. मिळालेल्या माहितीनुसार, हा अपघात बिष्णुपूर-खौपुम रस्त्यावर लोंगसाई तुबुंग गावाजवळ झाला. जखमी विद्यार्थ्यांवर इंफाळ येथील मेडिसिटी हॉस्पिटलमध्ये उपचार सुरू आहेत. अहवालानुसार, आतापर्यंत 22 विद्यार्थ्यांना रुग्णालयात दाखल करण्यात आले आहे.