भरतपूर- नरेंद्र मोदी सरकारमधील मंत्री कौशल किशोर यांनी नशा मुक्ती जागरण अभियान कार्यक्रमात आक्षेपार्ह विधान केले आणि भारताचे पहिले पंतप्रधान जवाहरलाल नेहरू नशा करत होते, सिगारेट ओढत असत आणि महात्मा गांधींचा मुलगा नशा करत असे.
एएनआय या वृत्तसंस्थेने केंद्रीय गृहनिर्माण आणि शहरी व्यवहार राज्यमंत्री कौशल किशोर यांचा व्हिडिओ ट्विट केला आहे. यामध्ये ते दावा करत आहेत की जवाहरलाल नेहरू सिगारेट ओढत असत आणि महात्मा गांधींचा मुलगा नशा करत असे. आपण वाचले आणि बघितले तर कळेल.
अलीकडेच कौशल किशोर यांनी ट्विट करून लोकांना व्यसन सोडण्याचे आवाहन केले होते. त्यांनी ट्विट करून म्हटले की, मी स्वत: खासदार आहे आणि माझी पत्नी आमदार असूनही मी माझ्या मुलाचे आयुष्य अंमली पदार्थांच्या व्यसनापासून वाचवू शकलो नाही, पण मला हेच वाटते की, नशा या कारणामुळे कोणत्याही आई-वडिलांनी आपले मूल गमावू नये. नशेमुळे कोणतीही स्त्री विधवा होऊ नये, नशेमुळे कोणतेही मूल पितृहीन होऊ नये.
दुसर्‍या ट्विटमध्ये त्यांनी म्हटले होते की, नशामुळे कोणत्याही बहिणीने तिचा भाऊ गमावू नये आणि कुटुंबातील कोणत्याही सदस्याचा मृत्यू होऊ नये, म्हणून मला 'नशा मुक्त समाज आंदोलन अभियान कौशल का' च्या माध्यमातून संपूर्ण देशाला प्रोत्साहन द्यायचे आहे. जनजागृती करून नशामुक्त भारत बनवू इच्छित आहे, या चळवळीत जे माझ्यासोबत आहेत त्यांनी कमेंट करा आणि मोबाईल नंबर लिहा.
