मध्य प्रदेशातील छिंदवाडा येथून एक धक्कादायक घटना समोर येत आहे. मिळालेल्या माहितीनुसार, येथे एका व्यक्तीने आपल्याच कुटुंबातील 8 जणांची कुऱ्हाडीने वार करून हत्या केली आहे. छिंदवाडा येथील या सामूहिक हत्याकांडाच्या वृत्ताने सर्वांनाच धक्का बसला आहे. पोलीस घटनास्थळी दाखल झाले असून पुढील तपास व कारवाई करत आहेत.
तामियाजवळील जंगलात वसलेल्या बोदलकचर या आदिवासीबहुल गावातील हे प्रकरण आहे. ज्या व्यक्तीने ही हत्या केली ती व्यक्ती मानसिकदृष्ट्या वेडा असल्याचे सांगण्यात येत आहे. एका व्यक्तीने आपल्याच कुटुंबातील 8 जणांची झोपेत कुऱ्हाडीने वार करून हत्या केली. एका 10 वर्षीय मुलावरही कुऱ्हाडीने वार करण्यात आले असून, त्याला गंभीर अवस्थेत छिंदवाडा रुग्णालयात दाखल करण्यात आले असून, त्याच्यावर उपचार सुरू आहेत.
छिंदवाडा येथील सामूहिक हत्याकांडाची माहिती देताना पोलिसांनी सांगितले की, जिल्हा मुख्यालयापासून सुमारे 100 किलोमीटर अंतरावर असलेल्या बोदल कचर गावात मंगळवारी रात्री उशिरा ही घटना घडली. या अधिकाऱ्याने सांगितले की, घटनेचे कारण अद्याप स्पष्ट झाले नसून जिल्हा दंडाधिकारी आणि पोलीस अधीक्षकांसह जिल्ह्यातील वरिष्ठ अधिकारी गावात पोहोचले आहेत. पोलीस या प्रकरणाचा तपास करत आहेत
पोलिसांनी दिलेल्या माहितीनुसार, तरुणाचे नुकतेच लग्न झाले आहे. त्याचे लग्न झाल्यापासून त्याचा वेडेपणा वाढल्याचे गावकरी सांगतात. पोलिसांनी दिलेल्या माहितीनुसार, घटनास्थळावरून कुऱ्हाड जप्त करण्यात आली आहे. ही घटना जिल्हा मुख्यालयापासून दीडशे किलोमीटर अंतरावर आहे. आरोपीने त्याची 55 वर्षीय आई, 35 वर्षीय भाऊ, 30 वर्षीय वहिनी, 16 वर्षांची बहीण, 5 वर्षांचा पुतण्या, 4 वर्षांचा मुलगा आणि दीड वर्षांची भाचीची हत्या केली.
