१२ जून रोजी अहमदाबादहून लंडनला जाणारे 'बोईंग ७८७-८' विमान टेकऑफनंतर लगेचच कोसळले आणि मेडिकल कॉलेज कॅम्पसमध्ये पडले. या अपघातात विमानातील २६५ जणांचा मृत्यू झाला.
मिळालेल्या माहितीनुसार केंद्रीय गृह सचिवांच्या अध्यक्षतेखालील बहु-विभागीय समिती अहमदाबादमध्ये झालेल्या एअर इंडियाच्या विमान अपघाताची कारणे तपासेल. अशी माहिती सामोर आली आहे. त्याचबरोबर, ही समिती भविष्यात अशा घटना टाळण्यासाठी मार्गदर्शक तत्त्वे देखील सुचवेल. मंत्रालयाने असेही म्हटले आहे की समिती भविष्यात अशा घटना टाळण्यासाठी एसओपी तयार करण्यावर लक्ष केंद्रित करेल आणि तीन महिन्यांत आपला अहवाल सादर करेल.
१२ जून रोजी अहमदाबादमधील सरदार वल्लभभाई पटेल आंतरराष्ट्रीय विमानतळावरून लंडनला जाणारे 'बोईंग ७८७-८' विमान टेकऑफनंतर लगेचच कोसळले आणि मेडिकल कॉलेज कॅम्पसमध्ये पडले. या अपघातात विमानातील २६५ जणांचा मृत्यू झाला. त्याच वेळी, वैद्यकीय महाविद्यालयातील विद्यार्थी आणि इतर अनेक जण मृत्युमुखी पडले. विमान अपघात तपास ब्युरो (AAIB) आधीच अपघाताची चौकशी करत आहे.
केंद्रीय गृह सचिवांच्या अध्यक्षतेखाली समिती स्थापन
१३ जून रोजी मंत्रालयाच्या आदेशानुसार, केंद्रीय गृह सचिव गोविंद मोहन यांच्या अध्यक्षतेखालील या समितीमध्ये नागरी विमान वाहतूक सचिव आणि गृह मंत्रालयाचे अतिरिक्त सचिव यांचा समावेश आहे. अशी माहिती समोर आली आहे.
Edited By- Dhanashri Naik
