Daily Horoscope

Select Your Language

Notifications

webdunia
webdunia
webdunia
webdunia

NEET UG Re-Exam: हवाई दलाच्या हेलिकॉप्टरद्वारे प्रश्नपत्रिका पोहोचवल्या जातील, जीपीएस मॉनिटरिंग आणि पासवर्डद्वारे होणार सुरक्षा

NEET UG Re-Exam: हवाई दलाच्या हेलिकॉप्टरद्वारे प्रश्नपत्रिका पोहोचवल्या जातील
२१ जून रोजी होणाऱ्या पुनर्परीक्षेसाठी सरकारने एक गुंतागुंतीची सुरक्षा प्रणाली तयार केली आहे, ज्यामध्ये हवाई दलाची हेलिकॉप्टर्स, लष्कर, जीपीएस मॉनिटरिंग आणि पासवर्ड प्रणालीचा समावेश आहे. अशी माहिती समोर आली आहे.

मिळालेल्या माहितीनुसार वैद्यकीय महाविद्यालयांच्या प्रवेशासाठी २१ जून रोजी होणाऱ्या नीट यूजी परीक्षेच्या प्रश्नपत्रिका भारतीय हवाई दलाच्या हेलिकॉप्टरद्वारे दिल्लीहून देशभरातील १८ ठिकाणी पोहोचवल्या जातील. तेथून, या प्रश्नपत्रिका लष्कराच्या लॉजिस्टिक्स सेंटरपर्यंत आणि तिथून ५५१ परीक्षा केंद्रांपर्यंत सुरक्षितपणे पोहोचवण्याची जबाबदारी लष्कर आणि निमलष्करी दलांवर सोपवण्यात आली आहे.
ALSO READ: विशाखापट्टणम स्टील प्लांटमध्ये वितळलेले लोखंड वाहून नेणारी क्रेन संतुलन गमावून कोसळल्याने आठ कामगारांचा मृत्यू
तसेच माहिती समोर आली आहे की,पंतप्रधान नरेंद्र मोदी यांच्या देखरेखीखाली, नीट परीक्षेला पेपरफुटीपासून वाचवण्यासाठी संपूर्ण सरकारी यंत्रणेचा वापर करण्यात आला आहे. पहिल्यांदाच, प्रश्नपत्रिका सरकारी प्राध्यापक आणि वरिष्ठ शिक्षकांनी तयार केली असून, हिंदी आणि इंग्रजीसह १३ भाषांमध्ये तिचे भाषांतर करण्यात आले आहे. अखिल भारतीय तंत्रशिक्षण परिषद आणि इलेक्ट्रॉनिक्स व माहिती तंत्रज्ञान मंत्रालयाच्या भारतीय भाषा अनुवाद तंत्रज्ञानाचा वापर करण्यात आला आहे. संपूर्ण प्रक्रियेची जबाबदारी कोणत्याही बाह्य सरकारी प्राधिकरणावर सोपवण्यात आलेली नाही. केंद्रीय अर्थ मंत्रालयाचे अर्थसंकल्प तयार करणारे पथकही यात थेट सहभागी आहे. एकूण २३ लाख प्रश्नपत्रिका छापल्या जाणार असून, अर्थसंकल्प तयार करताना हे पथक ज्या पद्धतीने काम करते, त्याच पद्धतीने या प्रश्नपत्रिका तयार करण्यात आल्या आहे.
ALSO READ: मुंबई उच्च न्यायालयाकडून एअरटेल आणि व्होडाफोन आयडियाला दिलासा, एक-वेळ स्पेक्ट्रम शुल्क आकारण्याचा सरकारचा निर्णय रद्द
तसेच प्रश्नपत्रिकांची वेळेवर पोहोच सुनिश्चित करण्यासाठी एक उच्चस्तरीय समिती स्थापन करण्यात आली आहे. यामध्ये शिक्षण मंत्रालय, दळणवळण मंत्रालयांतर्गत टपाल विभाग, संरक्षण मंत्रालय, नागरी विमान वाहतूक मंत्रालय आणि केंद्रीय गृह मंत्रालयातील वरिष्ठ अधिकाऱ्यांचा समावेश आहे. ही समिती थेट पंतप्रधान कार्यालय (पीएमओ) आणि कॅबिनेट सचिवालयाला अहवाल सादर करेल. तसेच परीक्षा केंद्रांपर्यंत प्रश्नपत्रिका पोहोचवणाऱ्या वाहनांवर जीपीएससह थेट कॅमेरे बसवले जात आहे. तर तपासणी सुरू होईपर्यंत लष्करी जवान पेट्यांवर देखरेख ठेवतील. दिल्ली मुख्यालयाकडून आदेश मिळाल्यानंतर पासवर्ड वापरून पेट्या उघडल्या जातील.
ALSO READ: आंतरराष्ट्रीय बाजारात एलपीजीच्या दरात ४६% वाढ, उज्ज्वला योजनेअंतर्गत आता ४ अनुदानित सिलिंडर मिळणार
Edited By- Dhanashri Naik

Share this Story:

Follow Webdunia marathi

पुढील लेख

आंतरराष्ट्रीय बाजारात एलपीजीच्या दरात ४६% वाढ, उज्ज्वला योजनेअंतर्गत आता ४ अनुदानित सिलिंडर मिळणार