14 वर्षीय सातवीच्या विद्यार्थिनीवर झालेल्या लैंगिक अत्याचार प्रकरणी न्यायालयाने बुधवारी निकाल दिला. संसारपूर येथील आरोपी विकासकुमार मोनू याला न्यायालयाने 20 वर्षे कारावास आणि 35 हजार रुपये दंडाची शिक्षा सुनावली आहे. तर मोनूचा मित्र हरीश तेजी उर्फ हरी याची निर्दोष मुक्तता करण्यात आली आहे.
मिळालेल्या माहितीनुसार मागील वर्षी 9 मार्च रोजी एका महिलेच्या तक्रारीवरून सदर पोलिस ठाण्यात आयपीसी कलम 376, 120बी आणि बलात्कार आणि पोक्सो कायद्याच्या कलम 4 अन्वये गुन्हा दाखल करण्यात आला होता. तसेच महिलेने सांगितले होते की, तिची 14 वर्षांची भाची तिच्यासोबत राहते. ती सातवीत शिकते. होळीच्या दिवशी संध्याकाळी भाची पाणीपुरी खाण्यासाठी घराबाहेर पडली होती, पण रात्री उशिरापर्यंत ती परतली नाही. नंतर ती घाबरलेल्या अवस्थेत घरी परतली त्यानंतर मुलीने सांगितले की, आरोपीने तिच्यावर लैंगिक अत्याचारकेला.पोलिसांनी आरोपींना ताब्यात घेतले होते. आरोपी मुलीवर गैरकृत्य केल्याचे कबूल केले. त्यानंतर आता न्यायालयाने 20 वर्षांच्या कारावासाची शिक्षा आरोपीला सुनावली आहे.
