सचिन, रेखाच्या अनुपस्थितीवर राज्यसभेत आक्षेप

नवी दिल्ली- क्रिकेटपटू सचिन तेंडुलकर व बॉलीवूड अभिनेत्री रेखाच्या राज्यसभेतील अनुपस्थितीबाबत आक्षेप घेण्यात आला. 

समाजवादी पक्षाचे नरेश अग्रवाल यांनी लक्षवेधी सूचनेद्वारे हा मुद्दा उपस्थित करण्याचा प्रयत्न केला. राज्यसभेचे उपाध्यक्ष पी. जे. कुरीयन यांनी हा मुद्दा लक्षवेधीचा नसल्याचे मत व्यक्त केले. राज्यसभेत विविध क्षेत्रातील 12 जणांची नियुक्ती करण्यात आली आहे.

अनु आगा, संभाजी छत्रपती, स्वप्न दासगुप्ता, रूपा गांगुली, नरेंद्र जाधव, एम. सी. मेरी कोम, के. पराशरन, गोपी सुरेश, सुब्रमण्यम स्वामी, केटीएस तुलसी यांचा त्यामध्ये समावेश आहे.