राजस्थान :नववर्षाच्या मध्यरात्री कार आणि ट्रकची धडक, एकाच गावातील 5 जणांचा मृत्यू

राजस्थानच्या हनुमानगड जिल्ह्यातून नवीन वर्षात एक वाईट बातमी समोर आली आहे. हनुमानगड जिल्ह्यात नवीन वर्षाच्या रात्री झालेल्या भीषण रस्ता अपघातात पाच जणांचा दुर्दैवी मृत्यू झाला. यातील तिघांचा जागीच मृत्यू झाला होता. घटनेनंतर घटनास्थळी एकच गोंधळ उडाला. 

पोलिसांनी आणि रस्त्यावरून जाणाऱ्यांनी जखमींना रुग्णालयात दाखल केले. गंभीर जखमी व्यक्तीला बिकानेर येथे रेफर करण्यात आले आहे. पोलिसांनी मृतदेह स्थानिक रुग्णालयाच्या शवागारात ठेवला आहे. आज नातेवाईक आल्यानंतर मृतदेहाचे शवविच्छेदन करण्यात येणार आहे.

पोलिसांनी दिलेल्या माहितीनुसार, ही घटना रात्री उशिरा हनुमानगड जिल्ह्यातील पल्लू पोलीस स्टेशन हद्दीतील बिस्रासर गावात घडली. रात्री उशिरा येथे ट्रक आणि कार यांच्यात भीषण टक्कर झाली. या अपघातात कारमध्ये प्रवास करणाऱ्या तिघांचा जागीच मृत्यू झाला तर अन्य तीन जण गंभीर जखमी झाले आहेत.

अपघातानंतर ट्रक पलटी झाला आणि चालकाने घटनास्थळावरून पळ काढला.

पोलिसांनी दिलेल्या माहितीनुसार, अपघातानंतर घटनास्थळी घबराट पसरली होती. त्यात कारमधील प्रवासी अडकले. पोलिसांनी रस्त्याने जाणाऱ्यांच्या मदतीने त्यांना बाहेर काढले. अपघातातील सर्व बळी बिस्रासर गावातील रहिवासी आहेत. रात्री उशिरा ते पल्लूहून आपल्या कारने गावी परतत होते. दरम्यान, त्यांची कार विटांनी भरलेल्या ट्रकला धडकली. अपघातानंतर ट्रक पलटी झाला आणि विटा रस्त्यावर विखुरल्या. अपघातानंतर काही काळ वाहतूक कोंडी झाली होती. नववर्षाच्या रात्री एकाच गावातील पाच जणांचा मृत्यू झाल्याने बिस्रासरमध्ये शोककळा पसरली आहे. पोलीस या संपूर्ण प्रकरणाच्या तपास करत आहे.

Edited By - Priya Dixit