उत्तर प्रदेशातील मथुरा येथे बुधवारी भरधाव वेगात आलेल्या पिकअपची टेम्पो आणि दुचाकीची धडक झाली. या अपघातात आठ भाविक जखमी झाले. या घटनेमुळे घटनास्थळी एकच खळबळ उडाली होती. पोलिसांनी घटनास्थळ गाठून घटनेची माहिती घेतली. जखमींना रुग्णालयात दाखल करण्यात आले आहे.
मांट पोलीस स्टेशन हद्दीतील मांट-सुरीर रोडवरील पॉवर हाऊसजवळ हा अपघात झाला. येथे एका अनियंत्रित पिकअप वाहनाने समोरून येणाऱ्या टेम्पो व दुचाकीला धडक दिली. या अपघातात टेम्पोमध्ये प्रवास करणारे आठ भाविक जखमी झाले.
पोलिसांनी घटनास्थळी जाऊन जखमींना तातडीनं रुग्णालयात दाखल केले असता दोन महिलांची प्रकृती चिंताजनक असल्याचे सांगण्यात येत आहे.