वडोदरामध्ये भीषण रस्ते अपघात: बस आणि ट्रकची धडक, सहा जणांचा मृत्यू

गुजरातच्या वडोदरा जिल्ह्यात बुधवारी पहाटे एक भीषण रस्ते अपघात घडला. महामार्गावर उभ्या असलेल्या एका ट्रकला एका खासगी बसची धडक बसली. या अपघातात सहा जणांचा मृत्यू झाला आणि सुमारे २० जण जखमी झाले.

वडोदरामध्ये एक भीषण रस्ते अपघात घडला. बस आणि ट्रकच्या धडकेत सहा जणांचा मृत्यू झाला आणि २० जण जखमी झाले. पोलिसांनी सांगितले की, हा अपघात बुधवारी पहाटे ४ वाजण्याच्या सुमारास वडोदरा-हलोल महामार्गावरील कोटंबी गावाजवळ घडला. राजस्थानहून गुजरातच्या सुरतकडे जाणारी एक बस, उभ्या असलेल्या ट्रकच्या मागच्या भागाला धडकली. धडक इतकी जोरदार होती की बसचा पुढचा भाग पूर्णपणे चक्काचूर झाला आणि त्याचे मोठे नुकसान झाले. सहा जणांचा जागीच मृत्यू झाला. इतर सुमारे २० प्रवासी गंभीर जखमी झाले असून त्यांना तातडीने रुग्णालयात दाखल करण्यात आले आहे.  

पोलीस अधीक्षक यांनी सांगितले की, या भीषण रस्ते अपघाताचा पुढील तपास सुरू आहे. अपघाताचे कारण निश्चित करण्यासाठी पोलीस सखोल तपास करत आहे.  

Edited By- Dhanashri Naik