जम्मू -काश्मीरच्या श्रीनगरमध्ये गुरुवारी सकाळी दहशतवाद्यांनी ईदगाह परिसरात असलेल्या शाळेवर हल्ला केला. या हल्ल्यात शाळेचे मुख्याध्यापक आणि शिक्षकाचा मृत्यू झाला आहे. दीपक हिंदू आणि सुखविंदर कौर शीख समुदायाशी संबंधित आहेत. अशा स्थितीत घाटीमध्ये बिगर मुस्लिम किती सुरक्षित आहेत याबाबतही चिंता व्यक्त केली जात आहे.
दहशतवाद्यांनी केलेल्या गोळीबारात मृत्यू झालेल्या शिक्षकांची ओळख पटवण्यात आली आहे. त्यातील एक पुरुष शिक्षक असून ते एक काश्मिरी पंडित आहेत. सध्या ते बटामालू श्रीनगरमध्ये वास्तव्याला होते. त्यांची ओळख दीपक चंद म्हणून पटवण्यात आली आहे. दुसरा मृत व्यक्ती ही महिला शिक्षिक आहे. त्या शाळेच्या मुख्याध्यापिका होत्या. त्या महिलेची ओखळही पटवण्यात आली आहे. त्या अलोची बाग श्रीनगरच्या रहिवासी होत्या. आरपी सिंहची पत्नी सतिदनेर कौर अशी मृत शिक्षिकेची ओळख पटली आहे.
तत्पूर्वी बुधवारी संध्याकाळी दहशतवाद्यांनी एकापाठोपाठ एक असे तीन हल्ले केले, ज्यात केमिस्टचे दुकान चालवणाऱ्या माखनलाल बिंद्रू यांच्यासह तीन जण ठार झाले. आता पुन्हा एकदा हल्ला दाखवतो की दहशतवादी किती निर्भय आहेत. जम्मू -काश्मीर पोलिसांनी सरकारी शाळेवर झालेल्या हल्ल्यात दोन शिक्षकांच्या मृत्यूचीही पुष्टी केली आहे. पोलिसांनी सांगितले की, हे दहशतवादी अचानक शाळेत घुसले आणि त्यांनी शिक्षकांवर गोळीबार करण्यास सुरुवात केली.
या हल्ल्यानंतर श्रीनगरमधील दहशतवादी हल्ल्याच्या निषेधार्थ मोठ्या संख्येने लोक रस्त्यावर उतरले आहेत. मंगळवारी काश्मिरी पंडित माखनलाल बिंद्रू यांच्या हत्येनंतर या घटनेने आता संपूर्ण खोऱ्यात खळबळ उडाली आहे. 2019 मध्ये कलम 370 रद्द केल्यापासून दहशतवादी हल्ल्यांमध्ये घट झाली होती, परंतु अलीकडच्या काळात वाढलेल्या घटना चिंताजनक आहेत. दहशतवादी हल्ल्यात जखमी झालेल्या दोन्ही शिक्षकांना रुग्णालयात नेण्यात आले, पण दुर्दैवाने त्यांचा उपचारादरम्यान मृत्यू झाला. दोन्ही शिक्षक श्रीनगरच्या संगम सफकदल भागात असलेल्या बॉईज हायर सेकंडरी स्कूलमध्ये शिकवत होते.
