जम्मू-काश्मीरमधील अखनूरमध्ये लष्कराच्या वाहनाला दहशतवाद्यांनी लक्ष्य केले. यादरम्यान अनेक राऊंड गोळीबार करण्यात आला.गोळीबारात तीन दहशतवादी ठार झाले असून सुरक्षादल मोठ्या प्रमाणावर शोध मोहीम राबवत आहे.
जम्मू-काश्मीरमधील अखनूर भागात सोमवारी सुरक्षा दलांसोबत झालेल्या चकमकीत तीन दहशतवादी ठार झाले . येथील अधिकाऱ्यांनी सांगितले की, सकाळी दहशतवाद्यांनी लष्कराच्या रुग्णवाहिकेवर गोळीबार केल्यावर चकमक सुरू झाली. मात्र, अद्याप या हल्ल्यात कोणीही जखमी झाल्याचे वृत्त नाही.
सुरक्षा दलांनी तात्काळ प्रत्युत्तर देत परिसराची घेराबंदी आणि शोध मोहीम सुरू केली. त्यानंतर दोन्ही बाजूंनी गोळीबार सुरू झाला.
सूत्रांनी सांगितले की, तीन दहशतवादी ठार झाले असून त्यांचे मृतदेह सापडले आहेत. सध्या शोध मोहीम सुरू आहे.
दहशतवाद्यांनी आधी मंदिरात घुसून एका मूर्तीची नासधूस केली. मात्र तेथे उपस्थित लोकांना कोणतीही इजा झाली नाही. तेथून पळून जात असताना दहशतवाद्यांनी लष्कराच्या रुग्णवाहिकेवर गोळीबार केला.परिसराची नाकेबंदी करण्यात आली आहे.
गोळीबाराच्या घटना घडत असलेल्या जम्मू-काश्मीरमधील संवेदनशील भागात परिस्थिती तणावपूर्ण आहे
